Lajme

“Ajo e shkreta ish kan në rrezik për jetën, e ne s’e dinim” – I moshuari në protestë kërkon përgjegjësi për vra*sjen e Arlindës

Autori: Gazeta inFokus 10:07 | 30 October 2026

Një i moshuar që mori pjesë në protestën e sotme para Qeverisë së Kosovës ka reaguar me shqetësim për vrasjen e Arlinda Sylaj Zekajt, duke kritikuar mënyrën se si institucionet e trajtuan rastin e saj.

Ai ka vlerësuar sjelljen e policëve gjatë protestës, por ka kërkuar përgjegjësi nga zinxhiri komandues dhe zyrtarët që, sipas tij, dështuan ta mbronin Arlindën.

“Sot policia është sjellë shumë mirë, shumë qetë, dhe jemi krenarë me ta. Mirëpo, Qeveria po na detyron të përballemi me policinë”, është shprehur ai.

-Advertisement-

I moshuari ka thënë se zyrtarët përgjegjës duhet të japin llogari për veprimet dhe mosveprimet e tyre, duke theksuar se paguhen nga taksat e qytetarëve për t’i kryer detyrat.

Por pjesa më prekëse e reagimit të tij ishte kur foli për momentin kur Arlinda ishte kthyer në shtëpi, pavarësisht rrezikut që kishte raportuar.

“Ajo e shkreta ka qenë në rrezik për jetën, e ne as që e kemi ditur. I kanë thënë se e kanë për detyrë vetëm ta dërgojnë deri te dera. Po te cila derë? A e kanë ditur se aty mund ta priste hasmi?”, ka pyetur ai.

Sipas tij, policia është dashur të sigurohej që Arlinda nuk ishte në rrezik përpara se ta linte në shtëpi.

“Është dashur të kontrollohej e gjithë shtëpia, dhomat, podrumi e tavani, për t’u siguruar se ajo ishte e sigurt. Por ata vetëm e kanë dërguar deri te dera e burrit. Kush e ka marrë atë vendim? Kush e ka lejuar një gjë të tillë?”, ka deklaruar i moshuari.

Protesta e sotme para Qeverisë është organizuar për të kërkuar drejtësi për Arlindën dhe përgjegjësi nga institucionet që kishin qenë të përfshira në trajtimin e rastit të saj, para se ajo të vritej./Gazeta Infokus

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy