Lajme

Sveçla për rastin e vra*sjes së Arlinda Zekajt: Çdo neglizhencë institucionale duhet të marrë përgjigje para ligjit

Autori: Gazeta inFokus 09:43 | 30 October 2026

Ministri i Punëve të Brendshme, Xhelal Sveçla, ka deklaruar se në rastin e vrasjes së Arlinda Zekajt janë evidentuar disa shkelje serioze institucionale, të cilat kërkojnë hetim të plotë dhe përcaktim të përgjegjësisë ligjore.

Në konferencën për media lidhur me këtë rast, Sveçla ka përmendur moszbatimin e urdhrit të parë për mbrojtje, vonesat në ekzekutimin e urdhrit të dytë, mospërmbushjen e kërkesës për rivlerësimin e nivelit të rrezikut, si dhe mosndërmarrjen e masave të nevojshme për ngritjen e kapaciteteve policore në funksion të garantimit të sigurisë së Arlindës.

Ai ka theksuar se këto janë shkeljet më serioze të evidentuara deri në këtë fazë, ndërsa hetimet e mëtejshme mund të nxjerrin në pah edhe përgjegjësi të tjera.

-Advertisement-

Sveçla ka bërë të qartë se asnjë dyshim apo pretendim nuk mund të konsiderohet i mjaftueshëm pa një hetim të plotë dhe të mirëfilltë, si dhe pa përcaktimin e përgjegjësisë para ligjit për çdo neglizhencë.

Ai ka kërkuar që të hetohet çdo raportim që nuk është marrë seriozisht dhe çdo paralajmërim i Arlindës që nuk ka marrë përgjigjen dhe mbrojtjen e duhur.

Rasti i vrasjes së Arlinda Zekajt ka vënë në fokus përgjegjësinë e institucioneve për trajtimin e rasteve të dhunës dhe zbatimin e masave mbrojtëse për personat në rrezik.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy