Lajme

Pas vrasj*es së Arlinda Zekajt, Gërvalla paralajmëron mekanizëm të ri për kontrollin e institucioneve

Autori: Gazeta inFokus 09:31 | 30 October 2026

Ministrja e Drejtësisë, Donika Gërvalla, dhe ministri i Punëve të Brendshme, Xhelal Sveçla, kanë mbajtur një konferencë për media lidhur me rastin e vrasjes së Arlinda Zekajt.

Gjatë konferencës, Gërvalla ka bërë të ditur se po shqyrtohet mundësia ligjore për krijimin e një mekanizmi të posaçëm që do të kontrollonte nëse institucionet po i përmbushin detyrimet e tyre ligjore në rastet e dhunës në familje dhe dhunës ndaj grave.

Sipas saj, nuk mjafton vetëm të konstatohet nëse institucionet kanë ndjekur procedurat, por duhet të verifikohet edhe nëse ato janë zbatuar në përputhje me ligjin dhe nëse kanë ofruar mbrojtjen e nevojshme.

-Advertisement-

“Nuk mjafton të kontrollojmë nëse një procedurë është zhvilluar. Duhet të kontrollojmë nëse ajo procedurë është zhvilluar në përputhje me ligjin dhe nëse ka ofruar mbrojtjen që e kërkon ligji”, ka deklaruar Gërvalla.

Ajo ka theksuar se Zyra e Koordinatores Kombëtare po shqyrton bazën ligjore për krijimin e një mekanizmi të posaçëm për kontrollin e rregullt të respektimit të detyrimeve ligjore dhe procedurave institucionale.

“Aktualisht jemi duke shikuar bazën ligjore. Këto përfundime do të jenë të rëndësishme edhe për hartimin e Strategjisë Kombëtare për Mbrojtjen nga Dhuna në Familje, Dhuna ndaj Grave dhe Dhuna me Bazë Gjinore për periudhën 2027–2031”, ka shtuar ministrja.

Ky paralajmërim vjen pas vrasjes së Arlinda Zekajt, rast që ka nxitur protesta dhe kërkesa për përgjegjësi institucionale lidhur me trajtimin e paralajmërimeve të saj për rrezikun ndaj jetës./GazetaInfokus

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy