Gërvalla tenton të sqarohet për deklaratën për Arlindën: Reagimi im ishte ndaj asaj që tha deputetja Time Kadrijaj
Autori: Gazeta inFokus
10:11 | 30 October 2026
Ministrja e Drejtësisë, Donika Gërvalla, ka tentuar ta sqarojë deklaratën e saj të dhënë në seancën e jashtëzakonshme të Kuvendit, një ditë pas vrasjes së 49-vjeçares Arlinda Zekaj, kur kishte thënë se viktima fatkeqësisht nuk kishte kërkuar ndihmë nga Qeveria.
Gërvalla ka thënë se deklarata e saj ishte reagim ndaj deputetes së AAK-së, Time Kadrijaj, e cila në seancë kishte deklaruar se Arlinda Zekaj i ishte drejtuar Qeverisë, por nuk kishte marrë ndihmë.
Ministrja kërkoi nga përfaqësuesit politikë dhe mediat që t’i dëgjojnë me kujdes deklaratat para se t’i përsërisin ato, duke pretenduar se po kontribuojnë në përhapjen e një propagande të vazhdueshme
Ajo sqaroi se, sipas informacioneve që kishin në atë kohë, Zekaj nuk i ishte drejtuar Qeverisë, por Prokurorisë, përkatësisht kryeprokurores tashmë të suspenduar, përmes një letre personale.
“Reagimi im ka qenë lidhur e deklaratën e deputetes Time Kadrijaj, e cila në seancën e jashtëzakonshme të Kuvendit ka thënë: Arlinda Zeka i është drejtuar Qeverisë, dhe Qeveria s’ka ndërmarrë asgjë. Ai ka qenë reagimi im ndaj asaj deklarate, kam thënë: Nuk është e vërtetë, Arlinda Zeka i është drejtuar Prokurorisë”, ka thënë Gërvalla.
Ministrja ka theksuar se thirrja e saj nuk ka qenë që qytetarët të mos u drejtohen institucioneve të drejtësisë, por që të kërkojnë edhe mbështetjen e Ministrisë së Drejtësisë kur ndihen të padëgjuar nga institucionet përkatëse.
Ajo tha se ministria pranon çdo ditë ankesa dhe kërkesa nga qytetarët, të cilët kërkojnë ndihmë për raste të ndryshme, përfshirë edhe ato të dhunës në familje.
Gërvalla shtoi se, ndonëse nuk ka kompetencë të ndërhyjë në vendimet e gjyqtarëve apo në punën e organeve të drejtësisë, ministria përpiqet t’i dëgjojë qytetarët, t’i orientojë dhe t’i ndihmojë në adresimin e shqetësimeve të tyre.
“Thirrja ime është që unë e ndjej si obligim si ministre e Drejtësisë dhe si koordinatore për çështje të dhunës në familje, që nëse institucionet e drejtësisë keni ndjenjën që nuk po ju dëgjojnë, nuk po i adresojnë temat tuaja, ejani ulemi bashkë, se ndoshta së bashku gjejmë një mundësi pak më të shpejtë për të adresuar dhe orientuar shqetësimin e secilës nga palët që meritojnë mbrojtje”, ka deklaruar ajo.

T� tjera
-
Patenta kthehet pas 8 ditësh, por ndalimi i vozitjes mbetet – ekspertët paralajmërojnë konfuzion te shoferët
Policia e Kosovës ka njoftuar se pas aktgjykimit të Gjykatës Supreme, i cili ...
-
“Si mund t’ia shpjegosh një fëmije pse nëna e tij s’kthehet më?” – emocionon vëllai i Erona Coklit në protestë
Në protestën mbarëkombëtare të mbajtur në Prishtinë kundër vrasjes së grave, ...
-
Arrestohen pesë persona për trafikim me nark*otikë në Prishtinë, sekuestrohen kok*ainë dhe marih*uanë
Pesë persona janë arrestuar në Prishtinë nën dyshimin për përfshirje në trafi...
-
Momenti kur qytetari në Elbasan hidhet nga dritarja t’i shpëtojë flakëve pas shpërthimit
Pak ditë më parë, shpërthimi i një bombole gazi në një pallat në Elbasan shka...
-
Protesta për vrasjen e Arlinda Zekajt, hidhen tymuese para MD-së, kërkohet dorëheqja e Gërvallës, Sveçlës e Muhaxherit
Në Prishtinë po mbahet edhe sot protestë kundër vrasjes së grave. Protesta e ...
-
Çitaku: Janë arritur disa marrëveshje në takimin e grupit punues për strategjinë e apelit
Deputetja e PDK-së, njëherësh anëtare e grupit punues qeveritar për hartimin ...
-
Bullgaria kthen 19 tonë mollë nga Maqedonia për shkak të pesticideve të larta
Mbi 19 tonë mollë maqedonase do të asgjësohen, pasi analizat laboratorike kan...
-
Presidentja Shiroka Pula priti Besiana Kadarenë, në fokus trashëgimia e shkrimtarit
Presidentja e Kosovës, Justina Shiroka Pula, ka pritur sot në takim Besiana K...
-
23 zyrtarë korrektues nga Kosova fillojnë punën në burgjet e Danimarkës
Gjithsej 23 zyrtarë korrektues nga Kosova, të cilët më parë kanë ndjekur traj...
-
Drejtësi për Arlinda Zekajn, nis protesta në Prishtinë
Sot në Prishtinë mbahet protestë me kërkesën për drejtësi për Arlinda Zekajn,...
-
“Sofra e gurtë” sërish para Kryeministrisë, Rama e quan “destinacioni më i ri turistik” në Tiranë
Edhe mëngjesin e kësaj të shtune, kreu i qeverisë shqiptare, Edi Rama, ka ven...
-
Zhurma politike për protezat e invalidëve të UÇK-së – Hulumtimi i Infokus nxjerr të vërtetën, mbi 1.4 milionë euro për 102 persona
Një debat i ashpër politik, akuza e kundër akuza u bënë rreth parave të ndara...





























