Ministri Hekuran Murati ka reaguar pasi Bekim Sejdiu konfirmoi ekskluzivisht për Gazetën Infokus se është tërhequr nga gara për president dhe se për këtë vendim i ka njoftuar edhe kryeministrin Albin Kurti dhe drejtuesit e LDK-së.

Murati ka kritikuar Infokusin që kanë kërkuar rikonfirmimin e qëndrimit të Sejdiut, duke thënë se fillimisht duhet të merret përgjigjja e kryetarit të PDK-së, Bedri Hamza, për ofertën e bërë nga Kurti.

Sipas Muratit, nëse Hamza do ta pranonte ofertën, Kurti dhe kryetari i LDK-së, Lumir Abdixhiku, më pas do të mund të bisedonin sërish me Sejdiun për ta bindur që të rikthehej në proces.

-Advertisement-

“Disa medie u nxituan që ta rikonfirmojnë tërheqjen e Prof. Bekim Sejdiut për President të Republikës në vend se ta marrin përgjigjen nga kryetari i PDK-së, Bedri Hamza, për ofertën e re të Kryeministrit Kurti: edhe me vetëm gjysmën e grupit parlamentar të PDK-së që e votojnë qoftë edhe kundër Bekim Sejdiun për President, ne i japim votat tona për Projektligjin mbi Gjykatën Speciale në lexim të dytë! Të dashur gazetarë, pyeteni së pari Hamzën. Le të thotë Bedri Hamza PO, dhe sigurisht që me Prof. Bekim Sejdiun mund të shkojnë e flasin Kurti e Abdixhiku për ta bindur që të mos shkojë vendi në zgjedhje të reja”, ka deklaruar Murati.

Reagimi vjen në ditën e fundit të afatit kushtetues për zgjedhjen e presidentit, ndërsa Sejdiu i ka thënë Infokusit se nuk e konsideron më veten pjesë të këtij procesi dhe se këtë qëndrim ia ka komunikuar edhe Kurtit dhe LDK-së.

Nga deklarata e Muratit kuptohet se, sipas skenarit të paraqitur prej tij, fillimisht do të duhej të arrihej një dakordim me PDK-në dhe vetëm më pas Kurti e Abdixhiku të tentonin ta bindnin Sejdiun që të rikthehej si kandidat për president. E gjithë kjo pikërisht më 6 tetor, në ditën kur përfundon afati kushtetues për zgjedhjen e presidentit dhe kur kanë mbetur vetëm edhe pak orë dhe Sejdiu nuk gjendet as në Kosovë. Gazeta Infokus/

ARTIKULLI I INFOKUS PËR TË CILIN KA REAGUAR MURATI:

EKSKLUZIVE | Bekim Sejdiu për Infokusin: I kam njoftuar sërish LDK-në dhe Kurtin, jam tërhequr nga gara

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-