Lajme

‘’Pse spo merr pjesë në protestë’’, Haxhiu përplaset me gazetaren: Mos bërtit.. e merr përgjigjen kur je më e sjellshme

Autori: Gazeta inFokus 13:56 | 25 September 2026

Kryetarja e Kuvendit të Kosovës, Albulena Haxhiu, është përplasur verbalisht me një gazetare pasi është pyetur për mungesën e saj në protestat e organizuara kundër aktgjykimit të Dhomave të Specializuara në Hagë ndaj ish-krerëve të UÇK-së.

E pyetur se përse nuk po merr pjesë në protesta, Haxhiu e ka arsyetuar qëndrimin e saj me faktin se aktualisht përfaqëson një nga institucionet kryesore të vendit.

“Sepse ne drejtojmë sot institucionet e Republikës së Kosovës. Nëse më mbani mend, unë pata dalë njëherë në një protestë si ministre e Drejtësisë. Sa kritikat m’i keni bërë…”, ka deklaruar Haxhiu.

-Advertisement-

Gazetarja ka insistuar në pyetjen e saj, duke theksuar se bëhet fjalë për protesta qytetare.

Haxhiu ka thënë se i mbështet protestat e qytetarëve dhe se, sipas saj, do të ishte shqetësuese nëse pas vendimit në Hagë nuk do të kishte reagime të tilla.

“Unë i mbështes protestat qytetare. Do të shqetësohesha nëse pas vendimit në Hagë nuk do të kishte protesta”, është shprehur ajo.

Debati mes tyre është tensionuar pas insistimit të gazetares për të marrë një përgjigje më të drejtpërdrejtë lidhur me mungesën e Haxhiut në protesta.

“Mos e ngrini zërin. E merr përgjigjen kur je më e sjellshme. Vazhdo me bërtit”, i është drejtuar Haxhiu gazetares.

Shkëmbimi i replikave ka ndodhur në kohën kur po vazhdojnë protestat qytetare kundër aktgjykimit të Dhomave të Specializuara ndaj ish-krerëve të UÇK-së./Gzeta Infokus

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy