Lajme

AKK-ja, për fillimin e vitit shkollor: Shkollave u mungon dokumentacioni, nxënësit kanë nisur mësimin pa tekste

Autori: Gazeta inFokus 22:42 | 02 September 2026

Asociacioni i Komunave të Kosovës ka ngritur shqetësime lidhur me mënyrën e fillimit të vitit të ri shkollor.

Kreu i AKK-së, Sazan Ibrahimi, pohoi për IndeksOnline se Asociacioni ka pranuar informacione se viti i ri shkollor ka nisur me probleme të shumta në komuna.

“Shkollave u mungon dokumentacioni i nevojshëm shkollor dhe kurrikular, ndërsa një numër i madh i nxënësve e kanë filluar mësimin pa tekstet shkollore.

-Advertisement-

Po ashtu, sipas raportimeve të prindërve, ka raste kur mjetet për blerjen e teksteve ende nuk janë transferuar. Këto janë çështje që Ministria e Arsimit është dashur t’i përfundojë para fillimit të vitit shkollor, jo pasi mësimi ka filluar” ka deklaruar Ibrahimi.

Ai po ashtu thotë se është tejet e nevojshme që të mos barten në nivele vonesat e administrimit qendror.

“AKK kërkon nga Ministria që urgjentisht të përmbushë obligimet e saj dhe të mos ua bartë komunave, shkollave, mësimdhënësve dhe prindërve pasojat e vonesave të nivelit qendror.

Nxënësit duhet t’i kenë librat dhe shkollat dokumentacionin që në ditën e parë. Arsimi nuk improvizohet!” përfundoi Ibrahimi.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy