Koci: VV-ja nuk mund t’i marrë të gjitha pushtetet
Autori: Gazeta inFokus
17:54 | 26 July 2026
Analisti politik, Melazim Koci ka thënë se zvarritja e konstituimit të Kuvendit të Kosovës është pasojë e mungesës së vullnetit politik për krijimin e institucioneve, duke theksuar se përgjegjësia më e madhe bie mbi partinë e parë, Lëvizjen Vetëvendosje.
Koci u shpreh i habitur që seanca konstituive u thirr vetëm një ditë para skadimit të afatit kushtetues, duke e cilësuar këtë si një zvarritje të qëllimshme.
“Për mua është pak e habitshme, jo pak, por shumë, sepse çdo gjë lihet në çastin e fundit dhe kjo tregon për mungesë vullneti politik për të krijuar institucionet, ndryshe nuk mund të shpjegohet, nuk ka asnjë shpjegim tjetër. Dhe këtë e shohim tash e 18 muaj, hiq më pak se 18 muaj, pra përpjekje, gjetje artificeve, preteksteve për të zhagitur çështjen, për të shkuar nga zgjedhjet në zgjedhje dhe besoj që është evidente që sërish do të shkojmë në zgjedhje fatkeqësisht, fatkeqësisht për Kosovën”, tha ai.
Sipas Kocit, përgjegjësia për bllokadën nuk është e njëjtë për të gjitha partitë, pasi pesha politike në Kuvend përcakton edhe nivelin e përgjegjësisë.
Ai theksoi se problemi nuk qëndron te kuorumi, por te mungesa e kompromisit dhe kulturës politike, duke shtuar se me vullnet të mirë situata mund të zgjidhet brenda 48 orësh.
Koci vlerësoi se Vetëvendosjes i takon të formojë qeverinë dhe të zgjedhë kryetarin e Kuvendit, por jo të kontrollojë të gjitha institucionet.
“Kuorumi është mekanizëm për të ruajtur balancin e pushteteve. Mekanizëm që ruan balancin e pushteteve në çdo demokraci parlamentare, kjo është elementare në demokracitë parlamentare në mënyrë që të mos lejojë që një parti të marrë të gjitha pushtetet. Nëse ky mekanizëm kuptohet drejtë, Vetëvendosja do të duhej në këtë moment të formojë qeverinë, të konstitojë parlamentin dhe t’i ofrojë opozitës presidentin, t’i kërkojë opozitës që të ofrojë tre, katër, pesë, gjashtë, tetë kandidatë “, deklaroi ai në KlanKosova.
Sipas tij, për të tejkaluar ngërçin institucional, Vetëvendosja duhet t’ia ofrojë opozitës postin e presidentit dhe t’i kërkojë asaj të propozojë disa kandidatë, duke krijuar kështu kushtet për një marrëveshje politike dhe funksionalizimin e institucioneve.

T� tjera
-
Pacolli njofton për rrënime të reja përreth Liqenit të Ujmanit
Ministrja e Mjedisit, Fitore Pacolli ka bërë të ditur se po vazhdojnë rrënime...
-
Miratimi në lexim të parë i buxhetit, Qeveria: Ky buxhet synon transformimin ekonomik të Kosovës
Mbrëmë Kuvendi i Kosovës miratoi në lexim të parë Projektbuxhetin për vitin 2...
-
Deputetët përplasen në Komision gjatë intervistimit të drejtoreshës nga Peja, shkak pyetjet
Komisioni Hetimor Parlamentar në rastin e Arlinda Zekajt, po interviston Albu...
-
INDEP: Kosova shkel dy obligime të Traktatit të Komunitetit të Energjisë, pasojë e vonesave, bllokadave dhe mospunës
Instituti për Politika Zhvillimore (INDEP) ka reaguar pas publikimit të dy op...
-
Bajrami: Nga sot, reduktimet e energjisë lejohen edhe me vendim të Kuvendit
Deputetja e Lidhjes Demokratike të Kosovës (LDK), Hykmete Bajrami, ka kritiku...
-
Dëmet nga erërat e forta pezullojnë mësimin në gjimnazin e Ferizajt
Mësimi është pezulluar sot në Gjimnazin “Dr. Shaban Hashani” në Ferizaj, për ...
-
Rasti i Arlinda Zekajt, drejtoresha e Mirëqenies Sociale para Komisionit: Padrejtësisht jam linçuar, puna ime është hartim i politikave, s’trajtoj raste direkt
Drejtoresha e Mirëqenies Sociale në Komunën e Pejës, Albulena Mujaj-Bajraktar...
-
Rasti i Arlindës: Komisioni interviston drejtoreshën e Mirëqenies Sociale
Komisioni Hetimor Parlamentar ka nisur intervistimin e Albulena Muja Bajrakta...
-
Prizren: Nëna me fëmijën largohen nga shtëpia, policia nis kërkimin e tyre
Policia e Kosovës ka bërë me dije se të enjten rreth orës 13:00, është raport...
-
Disa raste të dhun*ës fizike dhe psikike në Kosovë, viktima edhe gratë edhe burrat
Disa raste të dhunës fizike dhe psikike janë raportuar në vende të ndryshme t...
-
A do t’i humbë Kosova Lojërat Mesdhetare? Kjo është përgjigja e ICMG
Komiteti Ndërkombëtar i Lojërave Mesdhetare (ICMG) nuk ka dhënë përgjigje kon...
-
Dita e tretë e qëndrimit në Kosovë: Jakup Krasniqi arrin tek familja, nën masa të shtuara sigurie
Jakup Krasniqi po vazhdon qëndrimin e tij në Kosovë, edhe pse nuk po lihet gj...































