Sot në Kuvendin e Kosovës në rend dite pritet të miratohet edhe një vendim i qeverisë së Kosovës me emrat për kryesyuesin dhe anëtarët e bordit të drejtorëve të Agjencisë Kosovare të Privatizimit.

Ndër ta kryeministri i Kosovës Albin Kurti i cili para se të vinte në pushtet kishte premtuar ta mbyllte fare këtë Agjenci tani në listë për kryesues të këtij bordi ka futur Hekuran Nikçin, i arrestuar dhe i dyshuar për korrupsion gjatë kohës sa ishte kryeinspektor i Inspektoratit Qendror të Punës.

Edhe Feim Kelmendin, po ashtu i dyshuar dhe duke u hetuar nga Prokuroria Specialr për “Keqpërdorim të detyrës Zyrtare” dhe “Cenim i të drejtave në marrëdhënien e Punës” sa ishte në pozitën e Zyrtarit Kryesor për Financa dhe Thesar në Telekomin e Kosovës për të cilët raportoj Gazeta Infokus të premten me 25 prill.

-Advertisement-

Por në këtë listë përveç emrave që raportoj Infokusi që kanë probleme me ligjin, po del të jetë edhe një emër tjetër i cili po kundërshtohet fuqishëm edhe nga sindikata dhe federata të Kosovës.

Bëhet fjalë për Atdhe Hykollin. Gazeta Infokus ka siguruar një email i cili është shkruar nga 5 federata dhe 2 sindikata të Kosovës ku me urgjencë u bëhet thirrje grupeve parlamentare në Kuvend të mos e votojnë, Atdhe Hykollin për anëtar të bordit të AKP-së.

NDIQNI VIDEON:

Ai po akuzohet se si pasojë e keqmenaxhimit të tij si kryetar të Bashkimit të Sindikatave të Pavarura të Kosovës, shumica e federatave kishin ishin larguar nga BSPK-ja në vitin 2024.

“Ne, federatat e poshtëshënuara, përmes kësaj shkrese shprehim shqetësimin tonë të thellë lidhur me propozimin për emërimin e z. Atdhe Hykolli si anëtar i Bordit të Agjencisë Kosovare të Privatizimit (AKP). Ju informojmë se mandati i rregullt i z. Atdhe Hykolli si kryetar i Bashkimit të Sindikatave të Pavarura të Kosovës (BSPK) ka përfunduar më 2 tetor 2025. Pas kësaj date, i njëjti nuk ka mandat ligjor dhe statutar për të ushtruar këtë funksion dhe, rrjedhimisht, nuk mund të konsiderohet përfaqësues legjitim i BSPK-së.Më tej, si pasojë e keqmenaxhimit dhe keqpërdorimit të pozitës nga ana e tij, shumica e federatave përfaqësuese janë larguar nga BSPK-ja që nga viti 2024, duke e bërë BSPK-në jofunksionale dhe pa përfaqësim real të punëtorëve në Republikën e Kosovës”, thuhet në këtë email.

Madje sipas tyre Atdhe Hykollit i është bërë po ashtu kallëzim penal për “keqpërdorim të detyrës zyrtare” mirëpo pavarëissht kësaj dhe ankesave të vazhdueshme për të në Ministri dhe Inspektoratin e Punës, thuhet se Hykolli ka vazhduar të paraqitet në emër të BSPK-së, jashtëligjshëm edhe pas përfundimit të mandatit.

“Federatat, në vazhdimësi, kanë ngritur shqetësime për këto çështje, duke iu drejtuar institucioneve përkatëse, përfshirë Ministrinë e linjës dhe Inspektoratin e Punës. Gjithashtu, është ushtruar edhe kallëzim penal lidhur me dyshimet për keqpërdorim të pozitës nga ana e z. Hykolli. Pavarësisht përfundimit të mandatit, z. Hykolli ka vazhduar të veprojë dhe të paraqitet në emër të BSPK-së, në kundërshtim me Ligjin për Organizimin Sindikal dhe Statutin e BSPK-së”, thuhet në këtë email.

Prandaj Federata Sindikale e Shëndetësisë, Federata e Sindikatës së Pavarur të Administratës – SPAK, Federata e Doganës, Sindikata e Pavarur e Minatorëve të Trepçës, Sindikata e ATK-së, Federata e SRR–KEK, Federata sindikale e sherbimevë Publike të Kosovës kanë thënë që Atdhe Hykolli nuk i plotëson kushtet ligjore dhe statusore për të qenë anëtar i një ndërmarrjeje publike sic është AKP-ja.

“Duke u bazuar në të gjitha këto rrethana, vlerësojmë se z. Atdhe Hykolli nuk është përfaqësues legjitim i punëtorëve, as i federatave të poshtëshënuara, dhe i njëjti nuk i plotëson kriteret ligjore dhe statutare për të përfaqësuar interesat tona dhe të të punësuarve në një institucion të rëndësishëm siç është Bordi i Agjencisë Kosovare të Privatizimit. Për rrjedhojë, duke u mbështetur në arsyet e sipërpërmendura, kërkojmë nga Kuvendi i Republikës së Kosovës, nga grupet parlamentare dhe nga deputetët që, në ushtrim të kompetencave të tyre kushtetuese dhe ligjore, të mos e votojnë z. Atdhe Hykolli për anëtar të Bordit të Agjencisë Kosovare të Privatizimit (AKP)”, thuhet në përfundim të emailit.

Pra po del se tre nga shtate emrat e propozuar nga Kurti për bordin e AKP-së kanë probleme me ligjin.

E pavarësisht kësaj ata u kaluan në komisionin për Ekonomi, duke u futur si pikë jashtë rendit të ditës e sot pritet të votohen edhe në Kuvendin e Kosovës./Gazeta Infokus

ÇMIME QË NUK BESOHEN! Comodita Home sjell oferta të jashtëzakonshme për Black Friday, me zbritje deri në 75%!

Sponsoruar

-Advertisement-