Lajme

Ndalohen nisjet e avionëve, kaos në aeroportet e SHBA. Sekretari i Transportit: Problem në të gjitha qendrat e kontrollit

Autori: Gazeta inFokus 23:03 | 13 November 2026

Administrata Federale e Aviacionit në Shtetet e Bashkuara ka urdhëruar pezullimin e nisjes të gjithë avionëve në aeroportet e SHBA, deri në një njoftim të dytë.

Në njoftimin zyrtar thuhet se vendimi vjen për shkak të “rrethanave të jashtëzakonshme” dhe arsyeve të sigurisë.Sekretari amerikan i Transportit, Sean Duffy, konfirmoi se ndalimi i nisjes së fluturimeve në të gjitha aeroportet e SHBA-së erdhi si pasojë e një problemi komunikimi që preku të gjitha qendrat e kontrollit të trafikut ajror në vend.

Në një postim në rrjetin social X, Duffy njoftoi se teknikët e Administratës Federale të Aviacionit (FAA) po hetojnë problemin.

-Advertisement-

“FAA ka urdhëruar ndalimin e nisjeve në të gjitha aeroportet e SHBA-së, pas një problemi komunikimi që prek të gjitha qendrat e kontrollit të trafikut ajror në itinerar. Teknikët e FAA-së po hetojnë problemin. Do të japim menjëherë informacione të përditësuara sapo t’i kemi”, shkroi Duffy.

Në deklaratën e tij, sekretari i Transportit nuk dha hollësi mbi shkakun e problemit apo një afat për rifillimin e nisjeve.

The @FAAnews issued a nationwide ground stop for all U.S. airports following a communication issue impacting all Air Route Traffic Control Centers. FAA technicians are investigating the issue. We will provide immediate updates as we have them.

— Secretary Sean Duffy (@SecDuffy) November 13, 2026