Lajme

Muharremi: Rënie drastike në Trust në muajt e fundit, duhet të kuptojmë çfarë po ndodhë?

Autori: Gazeta inFokus 09:58 | 15 May 2025

Analisti Shenoll Muharremi ka alarmuar pasi Gazeta Infokus të mërkurën publikoi statistikat e llogarive aktive në Trustin Pensional të Kosovës, ku për 3 muaj pati një rënie prej mbi 100 mijë llogari apo të punësuar aktiv.

LEXO EDHE: Rënie drastike në Trust: Mbi 116 mijë kontribuues më pak për vetëm një muaj

Muharremi këto statistika i ka parqitur edhe përmes një grafikoni dhe ka thekusar paqendrueshmërinë e madhe në këto statistika.

“Çka është ky grafikon? Ky është trendi mujor i llogarive aktive në Trustin Pensional të Kosovës nga viti 2020 deri sot. Tregon se sa qytetarë po kontribuojnë rregullisht në Trust. Shihet që ka një paqëndrueshmëri në periudha të ndryshme. Megjithëatë, periudhën e fundit kjo paqëndrueshmëri është më e theksuar”, shkruan ai.

-Advertisement-

Analisti ka këkruar të dijë dhe të kuptojë se pse për një periudhë kaq të shkurtë kohore ka një numër të tillë të llogarive jo aktive në Trust.

“Po mundohemi me kuptu se cka ndodhi në 6 muajt e fundit? -Dhjetor 2024 kemi pasur 452,366 llogari aktive -Janar 2025 vetëm 336,259 llogari aktive. -Kemi një humbje prej rreth 116,000 llogarive aktive”, shkruan ai në reagimin e tij pas raportimti të Infokusit.

Ndërkohë analisti ka bërë edhe disa reagime të tjera në lidhje me këtë, duke thënë se rënie të tilla për një periudhë të shkurtër ka pasur edhe në të dhënat e Administratës Tatimore të Kosovës./Gazeta Infokus