Lajme

“Të shkarkohet bordi i ZRrE’së” – Grupi ‘’Asnjë cent më shumë’’ mban konferencë për media

Autori: Gazeta inFokus 08:29 | 18 April 2025

Grupi “Asnjë cent më shumë” do të mbajë sot një konferencë për media.

Sipas njoftimit, konferenca do të zhvillohet në Sheshin “Skënderbeu” (afër Kuvendit të Kosovës), duke filluar nga ora 12:00, shkruan Gazeta Infokus.

Në njoftim thuhet se ky aktivitet organizohet në kuadër të kundërshtimeve qytetare ndaj vendimit të Zyrës së Rregullatorit për Energji për shtrenjtimin e energjisë elektrike me 16.1%.

-Advertisement-

“Në këtë konferencë do të paraqiten kërkesat tona të qarta: shkarkimi i Bordit të ZRrE-së, shfuqizimi i menjëhershëm i vendimit, dhe garantimi i transparencës në proceset vendimmarrëse që prekin jetën e qytetarëve.

Po ashtu, do të prezantojmë edhe detajet e protestës qytetare që do të mbahet të shtunën më 19 prill në Prishtinë, si vazhdim i kundërshtimit qytetar ndaj padrejtësive ekonomike që po rëndojnë jetën e përditshme të qytetarëve të Kosovës”, thuhet në njoftim, transmeton Insajderi.

Konferenca organizohet një ditë para mbajtjes së protestës, e cila do të nisë nesër në ora 12:00.