Lajme

Prokuroria kërkon paraburgim për katër serbët që u arrestuan dje në Gjakovë

Autori: Gazeta inFokus 10:10 | 07 Prill 2025

Prokuroria Themelore në Gjakovë ka njoftuar se ka nisur hetimet dhe ka kërkuar caktimin e masës së paraburgimit për katër shtetas serbë – B.R., N.V., P.K. dhe M.S. Ata, së bashku me disa persona të tjerë të ndaluar në Prizren, dyshohen se ishin në Kosovë me qëllim mbledhjeje të informacioneve për caqe të mundshme, sipas deklaratës së ministrit të Brendshëm, Xhelal Sveçla.

Sipas kërkesës së Prokurorisë, ekziston dyshimi i bazuar se më 5 prill 2025, në rrugën “Gasper Karaqi” në Gjakovë, të dyshuarit kanë vepruar në bashkëkryerje dhe në kundërshtim me Ligjin për armët (Nr. 05/L-022, neni 2 pika 1.24), duke poseduar armë të ftohta – konkretisht një sopatë, një thikë me këllëf dhe një thikë sharrë, shkruan Gazeta Infokus.

Sipas dosjes hetimore, mjetet e mprehta u gjetën gjatë një kontrolli të kryer nga Policia e Kosovës, pas ndalimit të një automjeti të tipit Toyota me ngjyrë gri, i cili po drejtohej nga i dyshuari B.R. Automjeti ishte ndaluar për shkak të tejkalimit të shpejtësisë në një zonë të kufizuar. Gjatë procedurës, shoferi kishte deklaruar se nuk mbante asgjë të paligjshme dhe kishte pranuar që automjeti të kontrollohej.

-Advertisement-

Gjatë kontrollit, policia gjeti mjetet e sipërpërmendura, të cilat të dyshuarit dyshohet se i kishin pasur me vete gjatë një vizite të organizuar në disa manastire të Kishës Ortodokse Serbe në territorin e Kosovës.

Prokuroria i ngarkon të dyshuarit me veprën penale “Mbajtja në pronësi, kontroll ose posedim të paautorizuar të armëve”, bazuar në nenin 366, paragrafi 1, lidhur me nenin 31 të Kodit Penal të Republikës së Kosovës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy