Lajme

Agim Bahtiri: Fatmir Limaj do të përkrahë Lëvizjen Vetëvendosje pa asnjë kusht

Autori: Gazeta inFokus 10:20 | 01 Prill 2025

Deputeti i ardhshëm i Lëvizjes Vetëvendosje, Agim Bahtiri, është shprehur i sigurt se Qeveria e Albin Kurtit do të marrë përkrahje nga deputetët e Nismës Socialdemokrate. Sipas tij, Fatmir Limaj është i gatshëm ta mbështesë këtë qeveri pa vendosur asnjë kusht, shkruan Gazeta Infokus.

“Kam informacione se ai është i gatshëm ta përkrahë Lëvizjen Vetëvendosje pa asnjë kusht, për të shtyrë përpara proceset që i sheh si të rëndësishme për vendin. E vlerësoj dhe e falënderoj për guximin dhe përkushtimin që ka për të mirën e Kosovës,” tha Bahtiri në një intervistë për DTV.

Ai shtoi se kjo përkrahje do të bëhet pas përfundimit të proceseve ligjore paszgjedhore, duke theksuar se “deputetët kanë të drejtë të veprojnë, sepse janë të zgjedhur nga populli.”

-Advertisement-

Por, ndryshe mendon Nisma Socialdemokrate. Anëtari i Kryesisë së kësaj partie, Vesel Krasniqi, ka mohuar raportimet që sugjeronin se tre deputetët e Nismës do të votonin për Qeverinë Kurti, pa qenë pjesë e saj.

Krasniqi e cilësoi këtë si spekulim, duke sqaruar se “për momentin nuk ka asnjë lëvizje nga ana e partisë.” Ai shtoi se Nisma i qëndron deklarimeve të mëhershme të kryetarit Fatmir Limaj, i cili pas zgjedhjeve të 9 shkurtit ishte shprehur i hapur për diskutime për çështje me interes kombëtar, por pa vendosur “vija të kuqe” ndaj Vetëvendosjes.

Nisma Socialdemokrate do të përfaqësohet me tre deputetë në Kuvend, si pjesë e koalicionit parazgjedhor me Aleancën për Ardhmërinë e Kosovës.

Rezultatet përfundimtare të zgjedhjeve u certifikuan nga KQZ-ja më 27 mars. Sipas tyre, Lëvizja Vetëvendosje ka fituar 48 ulëse në Kuvend, PDK-ja 24, LDK-ja 20, dhe koalicioni AAK-Nisma 8 ulëse./Gazeta Infokus 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy