Lajme

Hamza me rrëfim emocional jetësor: Sakrifica e babait dhe solidariteti i nënës, vlera që më udhëheqin në jetë

Autori: Gazeta inFokus 11:39 | 06 Dhjetor 2024

Kandidati për kryeministër nga Partia Demokratike e Kosovës, Bedri Hamza, ka ndarë një rrëfim të thellë dhe emocional përmes një videoje të publikuar në rrjetet sociale.

Ky rrëfim pasqyron sfidat që ai dhe familja e tij kanë përjetuar ndër vite, duke u fokusuar në sakrificat e hershme dhe në mësimet jetësore që kanë formësuar karakterin e tij.

Në këtë rrëfim, Hamza ka kujtuar rolin e babait të tij, i cili punonte në Trepçë, por u detyrua të dalë në pension të parakohshëm për shkak të problemeve shëndetësore.

-Advertisement-

 

 

“Baba ka qenë punëtor në Trepçë, por shëndeti nuk e ka lejuar të punojë gjatë. Për këtë arsye, u pensionua shumë i ri, gjë që më detyroi mua të nis punën që në moshë të re,” ka rrëfyer Hamza, duke shtuar se filloi karrierën pikërisht në Trepçë, duke ndjekur shembullin e babait të tij.

Ai flet më konsideratë të lartë edhe për nënën e tij, një grua e cila jo vetëm që u përkushtua për rritjen e fëmijëve të saj, por gjithashtu adoptoi katër fëmijë të mbetur pa prindër, duke u kthyer në një shembull frymëzues të humanizmit dhe solidaritetit.

Në këtë mesazh të fuqishëm, Bedri Hamza u zotua se, si kryeministër, do të angazhohet për krijimin e mundësive të barabarta për çdo familje në Kosovë, duke synuar një të ardhme më të mirë për të gjithë qytetarët e vendit.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy