Lajme

Konjufca pret komisionerët parlamentarë të Bavarisë: Mërgata na ka afruar

Autori: Gazeta inFokus 13:31 | 20 Nëntor 2024

Kryetari i Kuvendit të Kosovës, Glauk Konjufca, ka pritur sot në takim anëtarët e Komisionit për Buxhet dhe Financa të Parlamentit të Bavarisë, të kryesuar nga Josef Zellmeier.

Konjufca shprehu mirënjohjen për kontributin dhe mbështetjen e Gjermanisë, si në të shkuarën ashtu edhe aktualisht.

“Ai potencoi se për lidhjen e ngushtë mes dy shteteve tona kontribut të madh ka edhe mërgata e Kosovës që jeton dhe punon në Gjermani, duke përfshirë edhe rajonin e Bavarisë, e që në këtë mënyrë ata i kanë sjellë edhe më afër vendet tona. Në vijim, kryetari Konjufca foli mbi nevojën që bashkëpunimi i ngushtë mes dy vendeve të thellohet edhe më tutje dhe në të gjitha fushat, duke përfshirë edhe atë parlamentare”, thuhet në komunikatën për media të Kuvendit të Kosovës.

-Advertisement-

Më tutje sipas njoftimit, në takim është diskutuar për synimet e institucioneve vendore, me theks të veçantë shtetin e së drejtës dhe për fuqizimin e mëtejshëm të demokracisë, duke i quajtur këto një parakusht të domosdoshëm të zhvillimit ekonomik.

Konjufca e ka njoftuar Zellmei për procedurat për miratimin e buxhetit për vitin 2025.

“Kryetari i Komisionit për Buxhet dhe Financa të Parlamentit të Bavarisë, Josef Zellmeier, në emër të tij dhe të pjesëmarrësve të tjerë e falënderoi kryetarin Konjufca për pritjen dhe shprehu nevojën e thellimit të raporteve të mira, sidomos mes Kuvendit të Republikës së Kosovës dhe Parlamentit të Bavarisë. Ai shprehu gatishmërinë për angazhim në drejtim të këtij bashkëpunimi dhe nevojën për tejkalimin e sfidave që dalin përpara”, vazhdon njoftimi.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy