Lajme

Osmani: Në buxhetin e vitit të ardhshëm na mbetet t’i miratojmë të gjitha kërkesat për barna që ka Onkologjia

Autori: Gazeta inFokus 12:49 | 24 October 2024

Presidentja Vjosa Osmani, tha se të gjitha gratë e prekura me kancer të gjirit e kanë mbështetjen e saj pa kushte, duke apleuar për kontrolle të rregullta në mënyrë që, siç tha ajo, të shpëtohet jetë.

Në ecjen tradicionale që mbahet nën patronatin e saj në kuadër të Muajit Ndërkombëtar të Luftës Kundër Kancerit të Gjirit, së bashku me Qendrën Kosovare për Luftimin e Kancerit të Gjirit “Jeta/Vita”, ajo shtoi se në buxhetin e vitit të ardhshëm institucioneve u mbetet që t’i miratojnë të gjitha kërkesat për barna që ka Onkologjia.

“Këtë marshim e bëjmë me një qëllim të përbashkët për ta rritur ndërgjegjësimin, por edhe për ta mbështetur secilën dhe secilin që përballet me kancerin. Në buxhetin e ardhshëm të Kosovë na mbetet t’i miratojmë të gjitha kërkesat për barna shtesë që ka Onkologjia. Zbulim i hershëm është mbijetesë sepse është një realitet i dëshmuar nga shkenca”.

-Advertisement-

“Zbulim i hershëm shpëton jetë, mos prisni, kontrollohuni dhe merrni masa! Asnjë grua nuk mundet vetëm. Secila nga to është një histori e prekur nga kanceri që tregon një forcë, këto histori janë një dëshmi e aftësi se aspekti shpirtëror jo vetëm për të duruar, por edhe për t’i kapërcyer sfidat e jetës”, ka thënë ajo.

Subscribe në YouTube: GAZETA INFOKUSI