Lajme

Tragjedia nga përmbytjet, Gërvalla kërkon të ndahen 200 mijë euro për solidarizim me Bosnjën

Autori: Gazeta inFokus 12:47 | 09 Tetor 2024

Ministrja e Punëve të Jashtme dhe Diasporës, Donika Gërvalla Schwarz, ka kërkuar nga Qeveria që të ndahen 200 mijë euro për t’u solidarizuar me Bosnje dhe Hercegonivnën, pas përmbytjeve ku si pasojë humbën jetën së paku 19 persona.

Në mbledhjen e sotme të Qeverisë, Gërvalla ka thënë se po qe se nuk ka kundërshtim, do ta nisin kërkesën zyrtare për këtë çështje.

“Të marrim mendimin tuaj për një kërkesë që do ta kemi për solidarizim me Bosnjën. Do të kërkoja solidaritetin tuaj me një shumë prej 200.000 eurosh. Nëse nuk ka kundërshtim këtu, atëherë kryeministër do të dërgonim kërkesën zyrtare”, ka thënë Gërvalla.

-Advertisement-

Lidhur me këtë, kryeministri, Albin Kurti, tha se duhet një mbledhje tjetër për t’u përgatitur vendimi.

Në përmbytjet dhe rrëshqitjet e dheut që goditën Bosnje e Hercegovinën në natën mes të enjtes dhe të premtes, kanë humbur jetën të paktën 19 njerëz, nga të cilët 16 në jug të shtetit dhe tre në Bosnjën Qendrore.

Sipas të dhënave të Kantonit të Hercegovinës-Neretvë, ende po kërkohen nëntë persona të zhdukur nga përmbytjet.

Instituti Federal Hidrometeorologjik (FHMZ) ka lëshuar një paralajmërim më 7 tetor për shkak të reshjeve të mëdha të shiut që priten në pjesën më të madhe në jug të shtetit, si dhe në Bosnjën Qendrore të mërkurën, më 9 tetor, gjatë natës dhe orëve të mëngjesit.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy