Opozita serbe kërkon krijimin e një alternative ndaj Listës Serbe në Kosovë
Autori: Gazeta inFokus 16:35 | 28 September 2024
Kryetari i Partisë për Liri dhe Drejtësi (SSP) në Serbi, Dragan Gjillas, ka thënë sot në takimin e opozitës serbe dhe delegacionit të serbëve nga Kosova se partia e tij kurrë nuk do të pranojë që Kosova të jetë e pavarur apo anëtare e Kombeve të Bashkuara.
Ai tha se mbijetesa e serbëve në Kosovë është vendimtare, “nëse ata nuk janë aty, lufta do të humbiste kuptimin e saj”.
Gjillas përmendi edhe një sërë masash që duhet të ndërmerren që jetesa e serbëve në Kosovë të jetë më e mirë, raporton agjencia serbe e lajmeve “Beta”.
Ndër to janë ndërtimi i impianteve prodhuese, blerja e produkteve bujqësore, investimi shtesë në Universitetin e Mitrovicës.
Kryetari i Partisë së Qendrës së Serbisë, Zdravko Ponosh theksoi se “trajektorja negative nuk mund të ndalet derisa qeveria aktuale është në Beograd” dhe se është realisht e mundur të ndalet “rënia e popullit serb në Kosovë” në afat të shkurtër.
“Në seancën për Kosovën do ta detyrojmë qeverinë të japë llogari, opozita ka fuqi, le ta dijë se po i shikojmë”, tha Ponosh, transmeton Klankosova.tv.
Kryetari i Partisë Demokratike të Serbisë, Zoran Llutovac, ka theksuar se është e nevojshme të formohet alternativë politike ndaj Listës Serbe dhe se tubimi i sotëm është “farë” për formimin e kësaj alternative.
“Duhet të thyhet zinxhiri i korrupsionit në linjën Beograd – Lista Serbe. Paratë e ndara ndër vite për popullin e Kosovës përfunduan në xhepat e gabuar, domethënë nuk shkuan aty ku duhej”, tha Llutovac.
Përfaqësuesi i Frontit të Gjelbër-Majtas në Serbi, Robet Kozma, ka theksuar se serbët në Kosovë janë “në hendekun mes dy politikave të gabuara – Prishtinës dhe Beogradit”.
“Politika e pushtetit në Beograd ka përjetuar një kolaps të plotë, është kriminale dhe hipokrite, ashtu si në fusha të tjera”, tha Kozma.
Deputeti i Lëvizjes Kombëtare të Serbisë, Alleksandar Ivanoviq, i ka sugjeruar delegacionit të serbëve nga Kosova që të “përpiqen të mbledhin të gjithë individët, aktorët politikë që nuk gravitojnë as kah kryeministri i Kosovës, e as kah kjo lloj politike në Beograd”.
Por, ai tha se ky “është një mision i rrezikshëm. Dhjetë ditë pasi Olliver Ivanoviq paraqiti një ide të tillë, ai u vra”, tha Ivanoviq.
Kryetari i Forumit Nacional Serb nga Graçanica, Momqillo Trajkoviq, ka thënë se delegacioni i serbëve nga Kosova, në të cilin është edhe ai, qëllim ka krijimin e një politikë autentike serbe në Kosovë “që duhet të jetë shtyllë e Serbisë. Ne do të donim të merrnim pjesë në krijimin e asaj politike në Serbi për Kosovën”, shtoi Trajkoviq.
Delegacioni i serbëve nga Kosova, i cili sot bisedoi me partitë dhe lëvizjet opozitare të Serbisë, vëmendja e të cilave është e përqendruar në Kosovë, përbëhet nga Forumi Demokratik Serb, Forumi Kombëtar Serb dhe Lëvizja “Atdheu”.
Të tjera
-
ARKEP e autorizon Starlinkun e Elon Musk që të ofrojë shërbime në Kosovë
Autoriteti Rregullativ i Komunikimeve Elektronike dhe Postare në Kosovë (ARKE...
-
O’Brien e Hovenier mbjellin pemë në nderim dhe kujtim të Kaidanow
Në nderim të veprës së diplomates amerikane, Tina Kaidanow, e cila u nda nga ...
-
Edhe mediat e huaja shkruajnë për arrestimin e ish-presidentit të Shqipërisë
Ish-presidenti Ilir Meta është arrestuar këtë të hënë me urdhër nga SPAK....
-
Geci flet në Hagë për Komunikatën 59: Pas familjes Jashari tentuan të na likuidojnë familjen tonë
Ish-anëtari i Ushtrisë Çlirimtare të Kosovës, dëshmitari Fadil Geci, gjatë nj...
-
“Duhet me ua bo ADN, nuk janë shqiptar”: Fadil Geci me akuza të rënda në Hagë
Fadil Geci po e vazhdon dëshminë e tij në Hagë. Atij i është tërhequr vëre...
-
Mirena pas fillimit të hetimeve ndaj Liburn Aliut: I fundit do të jetë kryeministri
Analisiti i politikës, Ilir Mirena, ka reaguar pas publikimit që kanë filluar...
-
Papunësia e grave në Kosovë/ Analisti i reagon Kurtit për statistikat
Analisti politik, Shenoll Muharremi, ka reaguar ndaj kryeministrit Kurti lidh...
-
Liburn Aliu dyshohet se i shkaktoi dëm miliona euro shtetit, prokuroria nis hetimet
Prokuroria Speciale ka marrë aktvendim për zgjerimin e hetimeve në çështjen e...
-
PAMJE/ Momenti kur Ilir Meta dërgohet për në qeli, bën shqiponjën brenda furgonit të policisë
Ky është momenti kur Ilir Meta lë ambientet e Drejtorisë së Policisë së Tiran...
-
Geci në Speciale ironizon me Selimin: Rexha ka harruar që Gecët janë të parët që kanë luftuar në Prekaz
Fadil Geci, dëshmitari i radhës në rastin kundër ish-krerëve të UÇK’së ka kon...
-
O’Brien mbërrin në Qeveri për takimin me Kurtin, Hovenier paralajmëron bisedime për “çështje kyçe bilaterale”
Ndihmës Sekretari Amerikan i Shtetit për Çështjet Europiane dhe Euroaziatike,...
-
Muriqi: Jam i lumtur që u ktheva me gol, herët të flitet për Evropë
Sulmuesi kosovar i Mallorcas, Vedat Muriqi është kthyer në mënyrën më të mirë...