Rozë

I shpallur në kërkim nga policia e Kosovës, Noizy paralajmëron koncertin e radhës

Autori: Gazeta inFokus 11:04 | 05 Gusht 2024

I rrezikuar nga mundësia për arrest, Noizy paralajmëron koncertin e rradhës

Këngëtari i njohur, Noizy, është duke u kërkuar nga Policia e Kosovës pas një incidenti të ndodhur në një diskotekë në Pejë, aty ku u dhunua Medi Iseni.

Policia po e kërkon intensivisht reperin për ta arrestuar dhe sipas informacioneve, ka dyshime se Noizy ndodhet aktualisht brenda Kosovës dhe ka performuar në një nga klubet në Prishtinë.

-Advertisement-

Policia ka kryer kërkime në shtëpinë e DJ-t personal të reperit në lagjen “Dragodan”, por sipas të dhënave jozyrtare, ai ka lënë një ftesë për Noizyn që të paraqitet në stacionin policor, të cilën reperi nuk e ka ndjekur.

Nga ana tjetër, është raportuar se një tjetër diskotekë, ‘Stop’ në Gjilan, ka njoftuar se Noizy do të mbajë një koncert atje ditën e sotme.

Pavarësisht kësaj, Policia dhe Prokuroria janë angazhuar në ndjekjen e tij.

Operacioni për kërkimin e Noizyt është duke u realizuar me urdhër të Prokurorisë në Pejë. Policia e Kosovës ka lëshuar një fletarrest ndaj reperit pasi ai nuk është paraqitur në stacionin policor pas ftesës së dërguar.

Zëdhënësi i Prokurorisë në Pejë, Shkodran Nikçi, ka konfirmuar situatën dhe ka apeluar për bashkëpunim:

“I njëjti nuk është paraqitur në stacionin policor për intervistim. I bëjmë apel këngëtarit që të paraqitet tek organet kompetente”, ka thënë Nikçi.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

roze

Ky website përdor cookies. Duke vazhduar përdorimin, ju pranoni përdorimin e tyre.

Privacy policy