Lajme

Masakra e Srebrenicës, Krasniqi: Qindra kriminelë serbë vazhdojnë të enden të lirë

Autori: Gazeta inFokus 13:43 | 11 July 2024

Kryetari i PDK-së, Memli Krasniqi, ka thënë se sot është miratuar Deklarata për Mbështetjen e Rezolutës së OKB-së për Srebrenicën, kjo për të të dërguar mesazhin e qartë: “Ne nuk do të harrojmë asnjëherë!”

Ai tha se sot kriminelët e masakrave po enden ende të lirë, pa e marrë dënimin e merituar.

“29 vite më parë, në Srebrenicë, regjimi kriminal serb kishte kryer aktin më të tmerrshëm të gjenocidit që nga Lufta e Dytë Botërore, duke vrarë në gjakftohtësi dhe me paramendim 8372 civilë të paarmatosur”.

-Advertisement-

“Kriminelët serbë, të udhëhequr nga kasapi Ratko Mladiç, nuk kishin kursyer askënd. Fatkeqësisht, edhe sot, qindra kriminelë serbë që sollën shumë vdekje e shumë dhembje në tërë Ballkanin, vazhdojnë të enden të lirë, pa marrë asnjëherë dënimin e merituar”, ka thënë Krasniqi.

Subscribe në YouTube: GAZETA INFOKUSI