Lajme

Moti i ligë, dje u anuluan gjashtë fluturime nga Aeroporti “Adem Jashari”

Autori: Gazeta inFokus 09:57 | 27 Qershor 2024

Gjashtë fluturime të cilat ishin paraparë të realizoheshin dje nga Aerporti Ndërkombëtar i Prishtinës “Adem Jashari”, u anuluan si shkak i motit të lig.

Kjo u konfirmua për Klankosova nga zëvendësdrejtori i Agjencisë së Shërbimeve të Navigimit Ajror, Driton Ujkani.

Ujkani tha se ishin anuluar katër fluturime nga Zvicra dhe dy nga Gjermania.

-Advertisement-

“Për shkak të motit të keq janë anuluar gjashtë fluturime. Katër fluturime kanë qenë Zvicër-Prishtinë dhe anasjelltas dhe dy të tjera Gjermani -Prishtinë dhe anasjelltas. Anulimet janë bërë për shkak të kushteve atmosferike që po mbretërojnë aktualisht në Prishtinë. Ndërsa fluturimet tjera gjatë ditës së sotme janë realizuar sipas planit të paraparë“, tha Ujkani.

“Në fakt këto fluturime ishin me sistem vajtje ardhje, pra ishin tre aeroplanë kështu llogariten gjashtë fluturime. Ka raste kur vonesa e shtyrje ka edhe në Gjermani dhe Zvicër, e ato afektojnë udhëtarët edhe këtu tek ne. Bile në Gjermani, sa herë që ka mot të lig, shi, bubullime, erëra të forta etj, fluturimet shtyhen, anulohen”, shpjegoi ai.

I dyti i ASHNA-s tha se sot sipas informacioneve situata meteorologjike pritet të jetë më e butë.

“Edhe sot pritet të ketë shi e bubullimë, por sipas informacioneve situata meteorologjike paraqitet më e butë. Dhe kështu nuk preim të ketë ndonjë shtyerje të fluturimeve”, theksoi Ujkani.

Ndryshe, një qytetare raportoi se që nga mbrëmja kishin qëndruar në aeroport, bashkë edhe me disa udhëtarë të tjerë, si shkak i motit të keq.

Ajo tha se kishte për të udhëtuar për në Basel, por i njëjti fluturim do të realizohet sot.

“Fluturimi do të realizohet sot për në Basel nga ora 08:50”, deklaroi ajo.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy