Sport

“Sa e vështirë të tërhiqesh”, Messi: Interi klubi im i fundit

Autori: Gazeta inFokus 09:50 | 13 June 2024

Inter Miami do të jetë skuadra e fundit në karrierën e jashtëzakonshme të Lionel Messit. Për shumëkënd më i miri në histori.

Vetë “pleshti” e konfirmoi një gjë të tillë, duke deklaruar gjithsesi se do e ketë tepër të vështirë të tërhiqet nga pasioni i tij i madh.

“Nuk do të ketë klub tjetër për mua pas Interit, edhe pse ende nuk jam gati ta mbyll me futbollin aktiv.

-Advertisement-

E ushtroj këtë profesion gjatë gjithë jetës, futbolli është gjëja që dua më shumë. Më pëlqen të luaj, zbavitem duke zbritur në fushë.

Gjithashtu vijoj të argëtohem edhe gjatë stërvitjeve. Një farë frike ekziston kur mendoj tërheqjen, është normale besoj.

Nuk e kisha të lehtë transferimin nga Europa në SHBA, por fitimi i Kupës së Botës me Argjentinën më ka ndihmuar t’i shoh gjërat ndryshe”, thekson Messi.

36-vjeçari nga Rosario ka kontratë deri në dhjetorin e 2025 me klubin nga Florida, i treti në karrierë pas Barcelonës dhe PSG-së.

Subscribe në YouTube: GAZETA INFOKUSI
Etiketa:
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…
-Advertisement-

Të tjera

Fokusi

sport