Lajme

Lajçak nga shtatori me post të ri

Autori: Gazeta inFokus 10:14 | 29 March 2024

Përfaqësuesi i veçantë i Bashkimit Evropian për dialog Miroslav Lajçak do të largohet nga ky post në fund të muajit gusht.

Sipas burimeve mirë të informuara Lajçak pritet të emërohet për ambasador të BE-së në Zvicër, post të cilin sipas të gjitha gjasave do ta ushtrojë nga shtatori.

Miroslav Lajçak, më 1 prill, shënon katërvjetorin e emërimit në postin emisarit evropian për dialogun mes Kosovës e Serbisë. Mandati i tij skadon në fund të muajit gusht.

-Advertisement-

Ndërkohë, akoma nuk dihet se kush do të jetë pasardhësi i Lajçakut në procesin e dialogut. Ndonëse diskutimet brenda strukturave do të fillojnë qysh tani, megjithatë emërimi i këtij personi pritet të bëhet pas zgjedhjeve evropiane, meqë fillimisht duhet vendosur për shefin e diplomacisë evropiane, post të cilin aktualisht e mban Josep Borrell.

Emërimi i Lajçakur është pjesë e rotacionit të madh brenda strukturave evropiane. 42 emra të rinj janë emëruar për ambasadorë të Bashkimit Evropian në botë.

Në mesin e tyre është konfirmuar edhe shefi i ri i zyrës së BE-së në Kosovë.

Diplomati estonez Aivo Orav do të udhëheqë me zyrën e Brukselit në Prishtinë.

Njëjtë sikurse Lajçak në Zvicër edhe Orav do e merr detyrën më 1 shtator të këtij viti.

Orav ka përvojë mbi 30-vjeçare në diplomaci. Aktualisht shërben si ambasador i Estonisë në Bashkimin Evropian. Ai është njëkohësisht njohës i rrethanave në Ballkanin Perëndimor, meqë ka shërbyer në Maqedoninë e Veriut dhe në Mal të Zi.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme