Sport

Champions League/ UEFA ndryshon kriteret e renditjes për skuadrat me pikë të barabarta

Autori: Gazeta inFokus 08:25 | 26 Mars 2024

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me çdo ekip që do të luajë 8 ndeshje me kundërshtarë të ndryshëm, të përcaktuar me short.

E për të përcaktuar renditjen finale, UEFA ka dokumentuar edhe rregulloren për rastet kur një apo më shumë skuadra do të kenë grumbulluar të njëjtin numër pikësh.

Kështu kriteri i parë që do të merret parasysh, është golaverazhi, element ky që do t’i bëjë skuadrat që të synojnë jo vetëm fitoren, por edhe të shënojnë sa më shumë.

-Advertisement-

Më poshtë janë edhe kriteret që do të merren për bazë për të përcaktuar renditjen në rast skuadrash që grumbullojnë numër të njëjtë pikësh:
1. Golaverazhi
2. Numri i golave të shënuar
3. Numri i golave të shënuar në transfertë
4. Numri i fitoreve
5. Numri i fitoreve në transfertë