Lajme

Të shtëna me armë në një shkollë në Iowa të SHBA-së, raportohet për disa të vrarë

Autori: Gazeta inFokus 17:51 | 04 January 2024

Të shtëna me armë zjarri në një shkollë të mesme në Perry në shtetin amerikan të Iowa-s ka lënë “disa të vrarë”, siç raporton BBC.

Sulmi ndodhi në ditën që nxënësit u kthyen në shkollë nga pushimet e tyre dimërore.
Sherifi i Qarkut Dallas, Adam Infante, në një konferencë të shkurtë për media tha sulmi ndodhi këtë mëngjes në orën 07:37 me orën lokale.

Një oficer policie mbërriti brenda shtatë minutave dhe gjeti “viktima të shumta me armë zjarri”, tha Sherifi Infante.

-Advertisement-

Ai thekson se nuk ka rrezik të mëtejshëm për publikun dhe premton të japë një tjetër përditësim më vonë gjatë ditës së sotme.

Përditësimi nga policia ishte jashtëzakonisht i shkurtër me sherifin që refuzoi t’i përgjigjet çdo pyetjeje të mëtejshme nga gazetarët.

Ende nuk e dimë se sa viktima janë, apo cilat mund të jenë lëndimet e tyre.

Sherifi Adam Infante tha se shkolla nuk kishte filluar ende kur ndodhën të shtënat, kështu që shumë pak nxënës dhe mësues ishin në objekt në momentin e të shtënave.

Kjo çoi në një “rezultat të mirë” për sa i përket numrit të njerëzve që u dëmtuan, thotë ai.

Sulmuesi është identifikuar, shton ai, duke refuzuar të ndajë emrin

Subscribe në YouTube: GAZETA INFOKUSI