E vendosur në një pozitë shumë të rëndësishme, Shefe e Grupit Parlamentar të Lëvizjes Vetëvendosje, Mimoza Kusari-Lila, që merr pjesë edhe në maratona si vrapuese, duke dashur të nxjerr një parregullsi nga organizatori i maratonës në Tiranë, ka prodhuar një fake news duke u shërbyer me një link nga një portal grek.

Kusari-Lila u ankua se “përderisa të gjithë pjesëmarrësve nga vendet tjera, ju njihej përkatësia shtetërore dhe shënohej flamuri shtetëror në rezultatet e garës, fatkeqësisht kjo nuk ishte rasti me vrapuesit nga Kosova”.

Por, kjo nuk është e vërtetë.

-Advertisement-

Në listën zyrtare të Tirana Marathon nuk ka as flamuj, as emra shtetesh, por vetëm numra rendor e emra atletësh.

Kusari-Lila shkroi se “të gjithë pjesëmarrësit nga Republika e Kosovës në Maratonën e Tiranës ishin përfaqësues me shenjën XK (dhe jo KOS, sipas shkurtesës zyrtare të Kosovës) dhe pranë kësaj shkurtese nuk ishte flamuri ynë”.

Por, në fakt, listës që po i referohet ajo është një listë e nxjerr nga një portal grek.

Portali, që është fare lehtë i dallueshëm se është nga Greqia meqë ka shkurtesën në fund “gr” pra “Greqia” apo “Greece”, shpërndan vazhdimisht rezultatet garash vrapimi e maratonash që mbahen në vende të ndryshme të botës.

Portali grek
Ndërsa në anën tjetër, lista zyrtare e Maratonës në Tiranë nuk ka shtetësinë e atletëve, por thjesht emrat dhe kohën e tyre, shkruan Albanian Post.

Lista zyrtare e Maratones se Tiranes
Kusari-Lila me papërgjegjësi të madhe dhe pa kurrfarë verifikimi, nxjerr portalin grek si referencë dhe sulmon shtetin shqiptar, duke akuzuar se “po cenon përfaqësimin shtetëror të garuesve nga Kosova”.

E pakuptueshme se si një profil kaq i lartë politik bën gabime të tilla skandaloze, pa marrë mundin të verifikojë fare se çfarë po shpërndan.

Edhe pse nuk është hera e parë që udhëheqës të partisë në pushtet dalin me deklarime të tilla skandaloze.

Kujtojmë këtu kohën kur Ministrja e Punëve të Jashtme të Kosovës kishte dalë e para në botë duke sulmuar Rusinë se ka hedhur raketa në Poloni, derisa NATO nuk kishte akoma një deklarim e as vetë Ukraina.

Më vonë do të dilte se Gërvalla e kishte gabim dhe se nuk ishte sulm rus ndaj Polonisë.

Në një rast tjetër ajo kishte gabuar edhe emrin e Sekretarit Amerikan të Shtetit, Antony Blinken.

Ndërsa gabimet e flamujve të shteteve kanë qenë pothuajse përditshmëri nga Gërvalla.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-