Sport

Guardiola e do De Zerbin trajner të ardhshëm të Cityt

Autori: Gazeta inFokus 14:03 | 20 Tetor 2023

Pep Guardiola beson se trajneri i Brightonit, Roberto de Zerbi, mund të jetë trajneri i ardhshëm i Manchester Cityt.

Trajneri dy herë fitues i tripletës është një admirues i madh i stilit të lojës së Brightonit, veçanërisht mënyrën se si ata ndërtojnë sulmin nga prapa.

Madje “Pulëbardhat” ishin në gjendje të frenonin Cityn në një barazim 1-1 në stadiumin Amex në përballjen e mëparshme në Premier League, falë trurit të zgjuar të futbollit të De Zerbit.

-Advertisement-

Sipas “The Telegraph”, Guardiola ishte aq i impresionuar me taktikat e tij në ndeshje, saqë vazhdoi të thoshte se italiani duhet të jetë “trajneri i ardhshëm i Man City”.

Në fakt, trajneri spanjoll nuk ka ngurrim të pranojë se përpiqet të mësojë nga metodat e De Zerbit, shkruan Goal.com,percjell Gazeta Infokus.

Kontrata aktuale e Guardiolës me Cityn është deri në fund të sezonit të ardhshëm. Megjithatë, nëse 52-vjeçari nuk e vazhdon kontratën në Etihad, atëherë mbetet për t’u parë nëse De Zerbi do të marrë përsipër skuadrën./Gazeta Infokus/