Sport

Argjentina, Messi: Jemi shumë afër nivelit të Barçës së Guardiolës

Autori: Gazeta inFokus 13:18 | 18 Tetor 2023

Argjentina vazhdon të fitojë dhe të mos pësojë gol. Kampionët e botës triumfuan 0-2 në Peru falë dygolëshit të Leo Messit, duke u afruar edhe më shumë me kualifikimin me Botërorin 2026. Turne që do të organizohet nga SHBA, Kanadaja dhe Meksika.

“Pleshti” foli pas suksesit në Lima, duke e krahasuar skuadrën aktuale të Argjentinës me Barcelonën e madhe të Guardiolës.

“Kjo skuadër është mbresëlënëse, që vazhdon të rritet dhe që luan gjithnjë e më mirë. Të krahasohesh me Barcelonën e Guardiolës, e cila është skuadra më e fortë në histori, është ndoshta e tepërt.

-Advertisement-

Por mendoj se jemi shumë afër nivelit të asaj Barcelone falë asaj që kemi treguar, duke u bërë kampionë të Amerikës dhe të Botës.

Kemi futbollistë të mëdhenj, shpresojmë të vazhdojmë kështu. Pas fitores së Kupës së Amerikës u çliruam, ndërkohë që Botërori na ka bërë më shumë të ndërgjegjshëm”, theksoi Messi.