Lajme

Policia publikon fotografinë e të dyshuarit për vrasjen në Podujevë, kërkon ndihmë për arrestimin e tij

Autori: Gazeta inFokus 18:14 | 15 September 2023

Policia e Kosovës ka publikuar të premten fotografinë e të dyshuarit për vrasjen e rëndë, e cila ka ndodhur më 11 shtator të këtij viti në Podujevë.

I njëjti ndodhet në arrati, ndërkaq policia ka kërkuar ndihmë nga qytetarët për ofrimin e informatave të cilat do të ndihmonin në arrestimin e tij.

“Njësiti i hetimeve të përgjithshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit të dyshuar”.

-Advertisement-

“I dyshuari kërkohet për vrasjen e rëndë që ka ndodhur me 11.09.2023, në Podujevë. Të nderuar, për çdo informatë që mund të çojë në identifikimin e personit të dyshuar kontaktoni policinë në numrin e telefonit: 192”, thuhet në kërkesën e policisë.

Me 11 shtator 2023, një person rreth 30-vjeç ka mbetur i vdekur ndërsa një grua ka mbetur e plagosur si pasojë e gjuajtjes me armë zjarri në Podujevë.

Në momentin e të shtënave ndaj çiftit prezent kishte qenë edhe një fëmijë, i cili fatmirësisht ka shpëtuar pa lëndime.

Lidhur me rastin, një ditë më pas është ndaluar një person i dyshuar me inicialet A.S, i cili ndodhet në paraburgim.

Subscribe në YouTube: GAZETA INFOKUSI
Etiketa:
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme