Lajme

Prokuroria ngre aktakuzë ndaj një personi për përgatitje të sulmeve terroriste

Autori: Gazeta inFokus 17:23 | 15 September 2023

Prokuroria Speciale e Kosovës (PSK) ka ngritur të premten aktakuzë kundër një personi me inicialet B.V, nën dyshimin se kishte përgatitur sulme terroriste në Kosovë.

Ai akuzohet se kishte përgatitur sulme “me materiale të rrezikshme dhe vdekjeprurëse” në sheshin e Prishtinës kundër komunitetit LGBTI, si dhe në pikën kufitare Merdarë, tha Prokuroria.

Policia e Kosovës e arrestoi atë në shkurt të këtij viti.

-Advertisement-

I dyshuari kishte përdorur nitrat kaliumi për të përgatitur sulme terroriste në vend, sipas Prokurorisë.

“Me këto veprime i pandehuri B.V. ka kryer veprën penale ‘përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës’”, njoftoi PSK-ja.

Sipas ligjeve në Kosovë, për vepra terroriste dhe kundër rendit kushtetues parashihen dënime të ndryshme. Që nga viti 2015, në Kosovë po ashtu ndalohet pjesëmarrja në luftëra të huaja dhe sipas ligjit, parashihen dënime deri në 15 vjet burgim.

Subscribe në YouTube: GAZETA INFOKUSI
Etiketa:
Nëntori sjellë Magjinë në ETC
-Advertisement-

Të tjera

Fokusi

lajme