Ylli botëror i muzikës, Rita Ora, ka bërë të ditur se do të shërbejë si anëtare e jurisë në shoun e ardhshëm “The Masked Singer” në Amerikë. Ajo e zëvendëson këngëtaren Nicole Scherzinger në edicionin e 11-të të emisionit shumë të pëlqyer televiziv.

“Jemi mirënjohës që do ta kemi Rita Orën pjesë të panelit të jurisë së shout ‘The Masked Singer’, për sezonin e 11-të!”, thuhej në njoftimin e publikuar në Instagram.

32-vjeçarja me prejardhje kosovare po ashtu e ndau lajmin me ndjekësit e saj në rrjetet sociale, me ç’rast u shpreh jashtëzakonisht e entuziazmuar.

-Advertisement-

“Shumë e lumtur që sekreti më në fund doli në shesh. Po i bashkohem ekipit të ‘The Masked Singer’ në Amerikë. Mezi prej të provoj ta gjej se kush fshihet prapa maskës, së bashku me anëtarët e tjerë të jurisë”, shkroi Ora.

Lajmi për përfshirjen e yllit të hitit “I Will Never Let You Down” në shoun muzikor, vjen pak kohë pasi u bë publike se ish-anëtarja, Nicole Scherzinger, po i bashkohej kastës së “Sunset Boulevard” në West End të Londrës. Shfaqja muzikore e kompozitorit, Andrew Lloyd Webber, do të inskenohet më 20 shtator në teatrin “Savoy” dhe do të jetë në repertor deri më 4 janar të vitit të ardhshëm. Prandaj, televizioni Fox e ka përzgjedhur Ritën për ta zëvendësuar atë në “The Masked Singer”, deri sa të kthehet në SHBA.

Roli i jurisë në garën e cila përcjellët me shumë humor nuk është përvojë e re për Orën, në të kaluarën ajo ka qenë pjesë e panelit në shoun “The Masked Singer” në Britani të Madhe për katër sezone rresht. Ajo po ashtu shquhet si anëtare e jurisë së emisioneve, “The Voice: Australia”, “The X Factor UK” dhe “America’s Next Top Model”.

Sezoni i 10-të i “The Masked Singer, me jurinë në përbërje të Nicole Scherzinger, Robin Thicke, Ken Jeong dhe Jenny McCarthy, krahas prezantuesit të shout, Nick Cannon, fillon transmetimin në Fox nga 27 shtatori.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-