Lajme

Ndahen 4 mijë e 200 euro për transportimin e kufomës së shtetases argjentinase që u vra në Fushë Kosovë

Autori: Gazeta inFokus 11:20 | 13 September 2023

Qeveria e Kosovës ka miratuar propozim-vendimin e Ministrisë së Drejtësisë për ndarjen e mjeteve financiare për të mbuluar shpenzimet e transportimit të kufomës së shtetases argjentinase e cila muaj më parë u vra në Fushë Kosovë.
Në mbledhjen e sotme, Qeveria e Kosovës ndau 4 mijë e 200 euro për transportimin e kufomës të së ndjerës Maria Clara Urdungaray nga Prishtina për në Argjentinë.

Zëvendësministri i Drejtësisë, Vigan Qorrolli para kabinetit qeveritar tha se kërkesa për mbulimin e shpenzimeve për transportimin e kufomës është bërë nga avokatja e familjes të së ndjerës.

“Më datë 1 shtator 2023, avokatja e familjes Urdungaray për shkak të vështirësive financiare të familjes ka bërë kërkesë zyrtare në Ministrinë e Drejtësisë dhe ka paraqitur prokurën e saj zyrtare të noterizuar për mbështetje financiare për transportimin e kufomës së shtetases së ndjerë Maria Clara Urdungaray nga Prishtina për në Argjentinë. MD duke marrë parasysh këtë situatë ka propozuar kërkesë për ndarjen e mjeteve financiare për të mbuluar shpenzimet e transportimit të kufomës. 4 mijë e 200 euro dhe do të mbulohen nga buxheti i Ministrisë së Drejtësisë”, tha Qorrolli.

-Advertisement-

Argjentinasja 27-vjeçare ka vdekur më 2 gusht pasi ka rënë nga kati i gjashtë i një hoteli në Fushë Kosovë derisa ishte me të dashurin e saj, Endrit Nika.

Ky i fundit me shtetësi zvicerane, është arrestuar nga autoritetet vendore si i dyshuar për rastin.

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme