Lajme

Ministrja Haxhiu angazhon avokat për ta paditur avokatin Besnik Berisha

Autori: Gazeta inFokus 22:42 | 18 July 2023

Avokati Nasuf Hasani ka njoftua se është angazhuar nga Ministrja e Drejtësisë, Albulena Haxhiu, për të paditur avokatin Besnik Berishën për shkak të deklaratave të tij ndaj saj.

Sipas Hasanit, Haxhiu do ta padisë Berishën për “shpifje” dhe “fyerje”.

“Ju njoftoj se jam autorizuar nga Ministrja e Drejtësisë, znj. Albulena Haxhiu që ta përfaqësojë në Gjykatën Themelore të Prishtinës sa i përket paraqitjes së padisë për kompensim dëmi kundër Besnik Berisha, e cila bazë kontesti ka shpifjen dhe fyerjen.” – ka shkruar avokati Hasani.

-Advertisement-

Ndryshe, avokati Besnik Berisha është deklaruar pas lirimit më vendim të Gjykatës, ku u refuzua kërkesa për paraburgimin e tij.

Në një intervistë për Nacionalen, Berisha e ka ofenduar rëndë Prokurorin Rasim Maloku, që urdhëroi arrestimin e tij.

Berisha e quajti Malokun “këlysh të pushtetit”, i cili thotë se mori udhëzime për ta arrestuar nga Ministrja Albulena Haxhiu, të cilën e quajti të dështuar.

Subscribe në YouTube: GAZETA INFOKUSI