Lajme

Molliqaj thotë se opozita po bjen në gracka të pushtetit

Autori: Gazeta inFokus 23:46 | 03 July 2023

Kryetari i Partisë Socialdemokrate, Dardan Molliqaj, e ka cilësuar si të gabuar çdo përpjekje të opozitës për ta rritur presionin ndaj kryeministrit, Albin Kurti që ai të dorëzohet para Bashkësisë Ndërkombëtare.

Madje sipas Molliqajt, këto përpjekje do të kishin si pasojë marrëveshje të dëmshme.

“Çfarëdo përpjekje që e rritë presionin për me u dorëzu ai para Bashkësisë Ndërkombëtare është përpjekje e gabuar në dy drejtime. Fillimisht do të kemi një marrëveshje të keqe që edhe vet opozita e ka kritikuar, por për më shumë se kaq kjo është me shpëtu politikisht Albin Kurti. Unë besoj se para se me shpëtu një çështje që e ka tash shqetësim Bashkësia Ndërkombëtare, ne duhet ta shpëtojmë veten që i bie, mobilizimi i vërtetë opozitar në Kosovë duhet të jetë për largimin e Albin Kurtit nga pushteti”, tha Molliqaj në “ReSpublika” në Tëvë1.

-Advertisement-

Madje Molliqaj theksoi se opozita po bie në grackë të pushtetit, duke i kërkuar asaj që të dorëzohet para faktorit ndërkombëtar.

Ai tha se është i shqetësuar me atë që po ndodh në Kosovë, por se më i shqetësuar është me mungesën artikulimit të vërtetë opozitar.

“Frika ime shpresoj të mos ndodhë qysh unë po them, është që opozita po bjen në gracka të pushtetit ose në kurthe të saj duke i kërku pushtetit që të dorëzohet, duke i kërku pushtetit që të pranojë kushtet që vijnë nga jashtë që pastaj kur ai i pranon ato, e ato janë gjithnjë e më të këqija se përpara sepse çdo intervenim i tij në veri e ka trashur siç themi ne nivelin e autonomisë për serbët në Kosovë, atëherë kjo po ua pamundëson me e bë kritikën. Le të supozojmë që nesër kemi marrëveshje çka do të ndodhë me kauzën e LDK-së dhe PDK-së, prandaj unë po them që kauzat duhet ndërtuar rreth politikbërjes së kryeministrit dhe duke ndërtu masën kritike ndaj veprimeve të tij, edhe të atyre që do të vijnë në të ardhmen atëherë do të jetë një kontraditë e vërtetë, përndryshe frika ime është që është shërbim për Kurtin”, shtoi ai.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme