Osmani: Ka potencial serioz për eskalim të situatës në veri
Autori: Gazeta inFokus 22:19 | 01 July 2023
Ministri i Jashtëm i Maqedonisë së Veriut, Bujar Osmani u ka bërë thirrje autoriteteve të Kosovës, por edhe atyre të Serbisë që ta pranojnë planin e BE-së për depëshkallëzim të situatës në veri.
Ai ka thënë se ka potencial serioz për eskalim të situatës me pasoja të shumëfishta për Kosovën, Serbinë dhe gjithë rajonin.
“Mendoj se është në interes të Kosovës dhe Serbisë që të fillojë menjëherë procesi i implementimit të zbatimit të planit të deskalimit, sepse ka vlerësim të përgjithshëm se ka një potencial serioz për një eskalim atje me pasoja të shumëfishta për Kosovën e Serbinë, por edhe për gjithë rajonin. Prandaj çdo ditë e vonuar në këtë drejtim shkon në dëm të rajonit, por veçanërisht në dëm të Kosovës”, ka deklaruar Osmani në një intervistë për RTK-në.
Ai tha se që nga fillim, i ka ndjekur me shumë vëmendje zhvillimet në veri, edhe si ministër i Jashtëm i një shteti që është fqinj i dy shteteve, Kosovës dhe Serbisë, por edhe si kryesues i OSBE-së.
“Në dy këto funksione kam tentuar të kontribuojë në depërshkallëzimin e situatës në veri. Kujtojmë se në ishim edhe nikoqir i takimit në Ohër kur u arrit marrëveshja, dhe kjo na jep edhe angazhime shtesë që të jemi aktiv në zgjidhjen e situatës”, deklaroi Osmani .
Ai u përgjigj edhe në idenë e kryeministrit të Shqipërisë, Edi Rama për një konferencë rajonale me liderët e dy shteteve.
“Të gjitha këto iniciativa janë qëllimmirë dhe kanë parasysh interesin e Kosovës, por edhe të rajonit. Iniciativën e kryeministrit Rama e kam vlerësuar si qëllimmirë e cila duhet të shqyrtohet seriozisht në funksion të krijimit të mundësive për dialog, pasi dialogu është e vetmja mënyrë për zgjidhje të dallimeve ndërmjet dy shteteve”, deklaroi Osmani.
Megjithatë shefi i diplomacisë maqedonase tha se nuk ka më shumë ide se çfarë formati parasheh Rama në këtë konferencë, por mbi të gjitha Osmani e vlerësoi pozitive.
“Dialogu nga ka alternativë, sepse e kundërta e dialogut është konfrontimi dhe kjo nuk është në interes të askujt, prandaj nuk mund të paragjykoj se çfarë formati mendon Rama, me çfarë përbërje e dinamike, por secila alternativë e dialogut është më e mirë e sa eskalimi i dhunës”, deklaroi mes tjerash ministri Osmani.
Ai në fund foli edhe për masat e paralajmëruara “ndëshkuese” të BE-së për Kosovën dhe Serbinë nëse nuk e zbatojnë planin për veriun. Osmani tha se si vend kandidat janë njoftuar për idetë e Bashkimit Evropian, por ai shpreson se situata do të shtensionohet dhe nuk do të krijohen “situata të pariparueshme”.
Të tjera
-
E konfirmon Albulena Haxhiu: Ura u diskutua në Bruksel
Ministrja e Drejtësisë, Albulena Haxhiu, deklaroi sonte se në Bruksel është f...
-
“Papunësia 4% në Kosovë”, Besian Mustafa: Rreni bile për toke, macat ju hangshin
Anëtari i Kryesisë së LDK-së, Besian Mustafa, ka reaguar ndaj Vetëvendosjes q...
-
Ministrja Haxhiu: Nuk mundesh me një pagë 1400-1500 euro të krijosh pasuri gjithandej, brenda e jashtë Kosovës
Ministrja e Drejtësisë Albulena Haxhiu, tha se `Projektligji për Byronë Shtet...
-
Albulena Haxhiu garanton për kolegët: Asnjë ministër nuk krijoi pasuri duke e mbajtur këtë pozitë
Duke folur për Byronë Shtetërore për Konfiskimin e Pasurisë së Pajustifikuesh...
-
Lutfi Haziri i bindur: Lumir Abdixhiku nesër si kryeministër do ta kthej marrëdhënien speciale me SHBA
Nënkryetari i Lidhjes Demokratike të Kosovës, Lutfi Haziri tha se LDK-ja ka r...
-
Lutfi Haziri i ashpër me Kurtin: Republikën që nuk e ka pranu dikur, tash e ka izolu
Nënkryetari i Lidhjes Demokratike të Kosovës, Lutfi Haziri tha se marrëveshje...
-
Besnik Bislimi flet për takimin në Bruksel me zyrtarin e lartë të NATO-s
Kryenegociatori i Kosovës, Besnik Bislimi, njofton se sot në Bruksel përveç t...
-
Dukagjin Gorani thotë se opozita do ta ofrojë alternativën e “stabilitetit politik”
Analisti Dukagjin Gorani ka deklaruar se është optimist se opozita do ta ofro...
-
Dardan Sejdiu: Industria e Serbisë është bërë e rëndësishme për tregun evropian
Opinionisti, Dardan Sejdiu sonte në emisionin “Rubikon” ka thënë se Serbia në...
-
Ky është parashikimi i motit për të mërkurën
Për të mërkurën parashikohet të mbajë mot kryesisht i vranët dhe kohë pas koh...
-
Tetë të vrạrë, mijëra të plagosur nga shpërthimi i pajisjeve pager në Liban
Së paku tetë njerëz janë vrarë dhe 2.750 të tjerë janë plagosur të martën si ...
-
Bajrami sqaron “rrenën” e pushtetit për miliardat në ekonomi
Deputetja e Lidhjes Demokratike të Kosovës (LDK), Hykmete Bajrami, ka kritiku...