Sport

Zyrtare: Marco Asensio largohet nga Real Madridi pas shtatë sezoneve

Autori: Gazeta inFokus 13:48 | 03 Qershor 2023

Klubi spanjoll, Real Madridi ka njoftuar zyrtarisht largimin e mesfushorit me tipare sulmuese, Marco Asensio.

Pas shtatë sezoneve me Los Blancos, Asensio ka vendosur të largohet nga Real Madridi pas skadimit të kontratës.

Është vet klubi mbretëror që ka njoftuar largimin e Asensios, duke i uruar fat në karrierë apo në klubin e ri.

-Advertisement-

“Real Madrid dëshiron të shprehë mirënjohjen dhe dashurinë e tij për Marco Asensio, një lojtar që ka mbrojtur stemën dhe fanellën tonë për shtatë sezone”.

“Ai mbërriti në Real Madrid kur ishte vetëm 20 vjeç dhe ka arritur të hyjë në historinë e klubit tonë si pjesë e një ekipi që ka luajtur në një nga periudhat tona më të suksesshme”.

“Marco Asensio ka fituar 17 tituj me Real Madridin: 3 Liga të Kampionëve, 4 Kupa të Botës për Klube, 3 Superkupa Evropiane, 3 La Liga, 1 Copa del Rey dhe 3 Superkupa Spanjolle”.

“Ne madridistët nuk do ta harrojmë kurrë karrierën dhe sjelljen e tij shembullore gjatë gjithë kësaj kohe. Real Madridi është dhe do të jetë gjithmonë shtëpia e tij dhe i uron atij dhe familjes së tij fat në këtë fazë të re”, thuhet në njoftim.

Asensio së fundmi është lidhur me një transferim te Paris Saint-Germain dhe Aston Villa, me francezët që vlerësohen favorit.