Lajme

Sveçla: Thirrjet për protestë në jug të Mitrovicës nuk i ndihmojnë Kosovës, qytetarët t’i shpërfillin

Autori: Gazeta inFokus 09:54 | 01 June 2023

Ministri i Brendshëm, Xhelal Sveçla ka reaguar pasi disa thirrje po qarkullojnë në rrjetet sociale për protestë dhe marshim drejt veriut të Kosovës.

Siç ka njoftuar Policia e Kosovës , “nëpër media të ndryshme sociale, nga persona dhe profile të ndryshme, janë duke qarkulluar postime me thirrje ndaj qytetarëve shqiptarë, për pjesëmarrje në gjoja protestë masovike, sot në ora 12:00, në Jug të Mitrovicës dhe me synim kinse për marshim në Veri të vendit”.

Sveçla ka thënë se thirrjet për protestë në jug të Mitrovicës dhe me synim marshimin drejt veriut të vendit, janë të panevojshme dhe nuk i ndihmojnë Republikës së Kosovës.

-Advertisement-

“Përmes këtij organizimi në rrjetet sociale po tentohet të nxiten tubime të panevojshme. Sipas vlerësimeve nga institucionet e sigurisë, kjo thirrje po përhapet nga persona të panjohur dhe profile të dyshimta nëpër rrjetet sociale.

Mbështetja e madhe qytetare e këtyre ditëve karshi vendimeve të Qeverisë dhe institucioneve tona, të drejta dhe legjitime, janë garancë e vendosjes së kushtetutshmërisë dhe ligjshmërisë në veri të vendit.

I ftoj të gjithë qytetarët që të mos i përgjigjen këtyre thirrjeve të dyshimta dhe organizimeve anonime”, ka shkruar Sveçla.

Edhe Policia e Kosovës u ka bërë thirrje qytetarëve që të shpërfillin këto thirrje duke i quajtur qëllimkëqija dhe të dyshimta.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme