Lajme

Dy djem ngacmuan seksualisht një vajzë të mitur dhe e filmuan, policia arreston njërin prej tyre

Autori: Gazeta inFokus 09:45 | 09 May 2023

Një vajzë e mitur ka deklaruar të hënën në polici se në muajin janar është ngacmuar seksualisht nga dy të djem të mitur në Prishtinë, shkruan Gazeta Infokus.

Sipas policisë, viktima ka deklaruar se njëri nga të dyshuarit e ka incizuar derisa ajo nuk ishte e vetëdijshme.

Gjithashtu, Policia e Kosovës njofton se viktima është intervistuar në prezencë të prindërve dhe zyrtarit nga Qendra për Punë Sociale.

-Advertisement-

Lidhur me rastin është konsultuar edhe prokurori me vendim të së cilit njëri nga të dyshuarit është arrestuar dhe është dërguar në mbajtje.

“Më 08.05.2023 është raportuar rasti se një femër e mitur ka deklaruar se ka qenë e ngacmuar seksualisht nga dy të mitur. Po ashtu viktima ka deklaruar se njëri nga të dyshuarit e ka filmuar me telefon derisa ajo nuk ishte e vetëdijshme. Viktima është intervistuar në prezencë të prindërve dhe zyrtarit nga QPS. Me vendim të prokurorit një i dyshuar kosovar (i mitur) është arrestuar dhe është dërguar në mbajtje”, thuhet në raportin e policisë.

Ndërkaq, rasti është iniciuar si “Sulm seksual” dhe “Keqpërdorim i Fëmijëve në Pornografi”./Gazeta Infokus/

Subscribe në YouTube: GAZETA INFOKUSI