Deputetja e Vetëvendosjes, Arbëreshë Kryeziu-Hyseni e ka cilësuar si dokument me përmbajtje fashiste, draft-statutin e propozuar nga pala serbe për çështjen e Asociacionit të komunave me shumicë serbe.

Kryeziu në emisionin “Respublika”, në Tëvë1, tha se Qeveria Kurti nuk mund ta pranojë një dokument të tillë sepse sipas saj, me atë pranim Vetëvendosja do t’i shkelte të gjitha parimet që mund t’i ketë dhënë në të kaluarën.

“Ai dokument dorën në zemër është i papranueshëm për diskutim të mëtutjeshëm, sepse po pranuam të diskutojmë mbi atë dokument atëherë ne kemi   shkelur Kushtetutën, ne kemi shkelur ligjshmërinë e këtij vendi, dhe ne kemi shkelur mbi çdo parim që mund ta kemi dhënë në të kaluarën. Pra është i papranueshëm të diskutohet mbi një dokument me përmbajtje fashiste që është dorëzuar prej atyre personave  që fare nuk ju intereson e ardhmja e qytetarëve serb në Kosovë”, tha Kryeziu-Hyseni.

-Advertisement-

Teksa theksoi se Qeveria Kurti gjithmonë ka qenë e gatshme që në tavolinën e bisedimeve të ketë një plan B, në mënyrë që siç tha ajo, të dilet prej situatës.

“Çfarë do dialogosh më tutje po qëse do të kërkohet të dialogojmë mbi atë draft. Pra ne nuk kemi çfarë të dialogojmë, aty sepse unë e thash po pranuam të dialogojmë mbi atë dokument atëherë ne do të pranojmë të shkelim me dy këmbë mbi Kushetutën e këtij vendi. Kjo nuk ka mundësi të ndodhë këtë nuk mund ta lejojmë të ndodhë, prandaj është e papranueshme të diskutohet për ne.  Ai dokument është i paaprovuar, është i refuzuar, është e pamundur të shkohet tutje në dialog mbi një bazë të atillë. Për këtë arsye kemi ofruar alternativë siç kemi bërë gjithmonë në këto 2 vjet e fundit të dialogimit në kuadër të Qeverisë sonë. Gjithmonë kemi qenë të gatshëm që ta kemi në tavolinë një plan B, të kemi propozime, në mënyrë që të gjinden alternative që të  dalim prej situatës dhe keqmenaxhimit të situatës këtë e këmi bërë gjithmonë “, tha ajo

Ndryshe kryeministri, Albin Kurti ka thënë se draft-statuti i Asociacionit i prezantuar nga Ekipi Menaxhues i delegacionit serb është i papranueshëm për Kosovën.

Sipas tij, qartazi shihet dëshira për krijimin e një Republika Srpska në Kosovës.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-