Janjiq: Gjendjen në veri të Kosovës mund ta shfrytëzojnë formacionet paramilitare serbe
Autori: Gazeta inFokus 17:58 | 03 May 2023
Kryetari i Forumit për Marrëdhënie Etnike në Beograd, Dushan Janjiq, deklaroi se kriza lidhur me çështjen e Kosovës nuk do të zgjidhet shpejt dhe do të vazhdojë për një kohë të gjatë.
“Gjëja më e rëndësishme për mbijetesën e paqes së paqëndrueshme është zgjidhja e problemeve të paramilitarëve, krimit, lirisë së lëvizjes dhe lëvizjeve të njëanshme”, theksoi Janjiq, duke shtuar se është e nevojshme që në Kosovë të zhvillohen zgjedhje të reja me pjesëmarrjen e serbëve për të normalizuar situatën.
Raundi i ri i dialogut në Bruksel, mes Vuçiqit dhe Kurtit, sipas medias serbe “N1” pati një efekt të përgjysmuar. Që në fillim të bisedimeve u miratua Deklarata për Personat e Zhdukur. Në të, të dyja palët marrin përsipër të bëjnë gjithçka për të zgjidhur fatin e më shumë se 1,600 personave të zhdukur gjatë luftës në Kosovë.
Megjithatë, bisedimet për formimin e Asociacionit nuk shkuan aq mirë. Pavarësisht kësaj, përfaqësuesi i BE-së për politikë të Jashtme, Josep Borrell pohoi se është bërë një hap i madh drejt formimit të Asociacionit.
“U prezantua udhërrëfyesi për kthimin e serbëve në institucione. Siç kemi dëgjuar nga presidenti Vuçiq, nuk është arritur marrëveshje për këtë, por ai është i gatshëm të ulet sërish me Kurtin pas tre-katër ditësh dhe të bisedojë. Por le të jemi të drejtpërdrejtë – po flasim se si të dalim nga vakumi institucional dhe i sigurisë që u krijua kur Lista Serbe u largua nga institucionet”, tha Janjiq, transmeton Telegrafi.
Pas kësaj, Janjiq përkujton se, Prishtina me mbështetjen e vendeve të QUINT-it ka filluar me masa të njëanshme, e njëra nga ato masa janë edhe zgjedhjet për kryetar komune. Ai vlerëson se kjo nuk do të jetë e lehtë dhe e shpejtë, por është parakusht, sepse “vrima e sigurisë duhet mbushur”.
Ai thekson se derisa po vazhdojnë bisedimet për kthimin e serbëve në institucionet gjyqësore dhe politike, po ndërrohen flamujt në stacione policore dhe po hapet ura.
“Hapja e urës ndërmjet Mitrovicës veriore dhe jugore ishte planifikuar më herët, por nuk ishte ‘pjekur koha’. Ka një kuptim më simbolik dhe një përkujtim i kohërave të tmerrshme”, tha Janjiq dhe shtoi se “formacionet paraushtarake nëse ekzistojnë në palën serbe” mund ta përdorin atë, me vërejtjen se ajo “duhet të pastrohet”.
Ai beson se situata politike është e balancuar pas zgjedhjeve të fundit, sepse para kësaj ka ndodhur dalja e serbëve nga institucionet e Kosovës.
Janjiq deklaroi se Vuçiq dhe Kurti po ndjekin një politikë zvarritjeje, dhe se “të dy po blejnë kohë”.
Ai vlerëson se “ka zhurma në relacionin Vuçiq – Uashington”, dhe thekson se kjo ka qenë e dukshme kohëve të fundit.
Duke komentuar deklaratën e Kurtit se Asociacioni është “më kundërshtim me Kushtetutën e Kosovës”, ai ka thënë se kryeministri i Kosovës “po e sajon”.
“Gjëja më e rëndësishme për mbijetesën e paqes së paqëndrueshme është zgjidhja e problemeve të paramilitarëve, krimit, lirisë së lëvizjes dhe veprimeve të njëanshme”, theksoi Janjiq, duke shtuar se është e nevojshme që në Kosovë të zhvillohen zgjedhje të reja me pjesëmarrjen e serbëve. për të normalizuar situatën.
I pyetur të përgjigjet se kur do të përfundojnë negociatat mes Beogradit dhe Prishtinës, ai me shaka ka komentuar se kur kanë filluar negociatat i ka pasur flokë të zeza, ndërsa tani është thinjur dhe se shpreson që kjo të mos ndodhë me përfaqësuesit e Beogradit dhe Prishtinës.
Të tjera
-
Alarmet “taktike” të Kurtit për rrezikun e konflikteve nga Serbia, çfarë thonë analistët dhe KFOR’i
Përkundër bisedimeve me vite, Kosova dhe Serbia duket se nuk mund të gjejnë g...
-
Mbi 15 mijë aksidente për 8 muaj
Vetëm gjatë periudhës janar-gusht të këtij viti, në total janë regjistruar mb...
-
Konfliktet në botë, Osmani e Rama pjesë e asamblesë së Përgjithshme të OKB-së
Udhëheqës nga mbarë bota, liderë të Bashkimit Evropian dhe Ballkanit Perëndim...
-
Nga sot fillon stina e vjeshtës
Instituti Hidrometerologjik të Kosovës, ka njoftuar se zyrtarisht sot rreth o...
-
Drejtori i Onkologjisë: Rreth 1 mijë e 500 raste të reja me kancer
Rreth 1 mijë e 500 persona janë diagnostikuar me kancer në nëntëmujorin e kët...
-
Liderët e Kosovës në akademinë e famshme “West Point”, Jahjaga ishte ftuar para 10 vitesh, Haradinaj më 2018
Presidentja Vjosa Osmani ka publikuar nga dje foto e video nga pritja që i ës...
-
Aksion i policisë pas mesnatës në Pejton të Prishtinës
Një aksion i policisë është raportuar se ka ndodhur pas mesnatës në Prishtinë...
-
Autoblinda e ushtrisë serbe aksidentohet me një veturë, humbin jetën pesë persona
Në magjistralen Kralevë-Rashkë të Serbisë ka ndodhur një aksident trafiku, ku...
-
Osmani kujton Fehmi e Xhevë Lladrovcin: Dy gjigandët e historisë tonë
“Xhevë dhe Fehmi Lladrovci janë gardianët e përjetshëm të lirisë dhe Republik...
-
Sot maratona e kryeqytetit ”Vrapo pa kufi”
Me moton ”Vrapo pa kufi”, Federata Atletike e Kosovës organizon sot edicionin...
-
Fushë Kosovë: Raportohet se janë zhdukur dy fëmijë
Dy fëmijë raportohet se janë zhdukur në Fushë Kosovë. Rastin në polici e k...
-
E ṭhẹri me ṭhikë në dorë një person, arrestohet i dyshuari në Fushë Kosovë
Një person u ther me thikë në dorë gjatë një përleshje që ndodi të dielën rre...