Ekonomi

Haradinaj: Dita Ndërkombëtare e Punës e gjen Kosovën në pozitën më të rëndë në 24 vjetët e fundit

Autori: Gazeta inFokus 10:52 | 01 May 2023

Kryetari i Aleancës për Ardhmërinë e Kosovës, Ramush Haradinaj, ka thënë se Dita Ndërkombëtare e Punëtorëve e gjen Kosovën në pozitën më të rëndë në 24 vjetët e fundit, shkruan Gazeta Infokus.

Ai përmes një postimi në “Facebook”, ka thënë se vendi ynë është edhe me keq ku punëtorët janë më të diskriminuar.

“Dita Ndërkombëtare e Punës kësaj here Kosovën e gjen në pozitën më të rëndë në 24 vitet e fundit. Secilën ditë që kalon, vendi ynë është edhe më keq, punëtorët tanë më të diskriminuar, e qeveria edhe më e fjetur”, ka shkruar Haradinaj.

-Advertisement-

Sipas tij, kryeministri dhe kabineti i tij qeveritar janë të fokusuar më shumë në grumbullimin e parave në thesarin e shtetit sesa në investime kapitale, aty ku, siç thotë ai, hapen vende të reja pune, rriten rrogat dhe zhvillohet shteti.

“Fuqia punëtore po ikë çdo ditë, vendi ynë po mbetet pa mjekë, pa inxhinierë, ekonomistë e pa mësimdhënës. Kosova rrezikon me mbetë edhe pa pjesëtarë të sigurisë sepse rinia po ikë”, ka shtuar ai, njofton Klankosova.tv

Po ashtu Haradinaj tha se fton qeverinë që t’i ngritë pagat në sektorin publik, të gjejë modalitete për rritjen e pagave në sektorin privat, aty ku, sipas tij, është goditja më e madhe nga inflacioni, si dhe të zhbllokojë buxhetin e shtetit.

“Ta bëjmë Kosovën një vend më të mirë për të jetuar”, ka përfunduar ai./Gazeta Infokus/

Subscribe në YouTube: GAZETA INFOKUSI
Etiketa:
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

ekonomi