Lajme

Haradinaj në Gjermani: Mërgata jonë, model edhe për komunitetet e tjera ku ata jetojnë

Autori: Gazeta inFokus 09:48 | 27 February 2023

Kryetari i Aleancës për Ardhmërinë e Kosovës (AAK), Ramush Haradinaj gjatë qëndrimit të tij në Gjermani, ka vizituar sot shkollën shqipe në Bavari, LAPSh dhe Bashkësinë Islame Shqiptare “Bashkimi” në Nuremberg.

Haradinaj ka thënë se mërgimtarët janë pjesa jonë më me vlerë.

“Mërgimtarët janë pjesa jonë më me vlerë. Ata, edhe pse janë larg Atdheut, arritën të gjejnë çdo herë mënyra që të punojnë dhe kontribuojnë për të”, u shpreh ai.

-Advertisement-

“Gjatë bashkëbisedimit shfrytëzova rastin t’i përgëzoj stafin drejtues të kësaj shkolle, prindërit dhe mësuesit, të cilët në mënyrë vullnetare po e mbajnë gjallë shkollën shqipe, me qëllim të ruajtjes së ruajtjes së vlerave dhe identitetit tonë kombëtar”, shtoi Haradinaj.

Në takim me Bashkësinë Islame Shqiptare “Bashkimi”, Haradinaj thotë se përjetoi pritje të ngrohtë vëllazërore, derisa shprehi mirënjohje ndaj imamit Sevgani Asani për punën dhe angazhimin në shërbim të mërgimtarëve tanë në Gjermani.

“Mërgata jonë kudo në botë është e organizuar në secilin segment të jetës ku përmes organizimeve të ndryshme dhe aktivitetit të tyre të rregullt, janë bërë model edhe për komunitetet tjera ku ata jetojnë”, përfundoi Haradinaj.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme