Sport

“Një zhgënjim i madh”, Xavi pas elimiminit: Në Old Trafford vendosën detajet

Autori: Gazeta inFokus 09:43 | 24 Shkurt 2023

Barcelona u mposht me rezultatin 2-1 në Old Trafford përballë Manchester United duke mbyllur shumë shpejt rrugëtimin në Europa League. Katalanasit edhe pse kaluan të parët në avantazh me anë të Robert Lewandowskit, nuk mundën ta menaxhonin atë dhe pas sfidës duket se edhe trajnerit Xavi Hernandez i kishte mbetur peng kjo pjesë. Xavi u shpreh se skuadra e tij duhej ta kishte mbyllur në avantazh pjesën e parë ndërsa shtoi se eliminimi është një zhgënjim i madh për spanjollit.

“Ai goli i barazimit na bëri shumë dëm, erdhi nga një top që humbëm. Dhe kur humbet të tilla duele atëherë e pëson, United luajti me shumë intensitet. Më vjen keq sepse ishim në kontroll dhe kaluam të parët në avantazh, mendoj se ishin dy ndeshje të balancuara por detajet e vogla vendosën në favor të United.

Është një zhgënjim i madh sepse kishim shumë iluzione për këtë kompeticion, por ishte një rival i fortë përballë. Ishin shumë mirë fizikisht. Nëse do të kisha Pedrin apo Gavin të paktën për pjesën e dytë, mund të kishte një tjetër skenar, këtë nuk e them për t’u justifikuar, e kam për mënyrën si ata lëvizin në gjysmëfushën kundërshtare. Sergio Roberto luajti mirë, po ashtu edhe Kessie me De Jong, por Gavi dhe Pedri më lejojnë të bëj lojën që unë dua.

-Advertisement-

Por, kështu ndodh në kompeticionet europiane dhe detajet vendosin, edhe pse duhet të them se meritonim më shumë. Duhet të bëjmë autokritikë dhe në vitin e ardhshëm të rikthehemi më të përgatitur, tani duhet të fokusohemi tek kampionati dhe kupa. Të vazhdojmë përpara sepse jeta ecën”, u shpreh Xavi.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

sport

Ky website përdor cookies. Duke vazhduar përdorimin, ju pranoni përdorimin e tyre.

Privacy policy