Lajme

Kurti në samitin digjital: Sulmet kibernetike rrezikojnë sigurinë kombëtare

Autori: Gazeta inFokus 12:25 | 21 September 2022

Kryeministri i Kosovës, Albin Kurti në samitin digjital “Prishtina 2022”, ka thënë se digjitalizimi është prioriteti kryesor i qeverisë.

“Samiti i digjitalizimit i bënë bashkë politikbërsit nga regjioni e BE-ja, që ti shkëmbejnë idetë përvojat e planet që kontribuojnë në tranzicionin e ardhshëm digjital. Digjitalizimi e ngrit cilësinë e shërbimeve, llogaridhënien e zyrtarëve dhe transparencën e proceseve në administratën publike në arsim, shëndetësi etj. Ne do të lehtësojmë këtë duke fuqizuar administratën publike dhe përmirësuar sistemin edukativ”, tha Kurti.

Kryeministri theksoi rëndësinë edhe të sigurisë kibernetike, pasi tha se sulmet e tilla rrezikojnë edhe sigurinë kombëtare, duke shtuar se duhet angazhim në mbrojtjen ndaj sulmeve kibernetike.

-Advertisement-

“Siguria kibernetike që duhet të sjell qëndrueshmëri kibernetike te institucioneve, bizneseve të shtetit në përgjithësi karshi sulmeve të ndryshme. Pra jo vetëm që do të ndalojnë këtë, por do të kenë një efekt më të rëndë në sigurinë kombëtare. Për këtë, këto nuk janë vetëm disa kërcënime të përditshme. Siç e dini para disa dite kemi pasur sulme kibernetike, duke ju qasur kësaj ne kemi marrë masa operacionale të nivelit të lartë të sigurisë.”, tha ai.

Kryeministri bëri të ditur se në këtë samit po marrin pjesë më shumë se 200 biznese, mbi 30 organizata joqeveritare, si dhe folës në këtë samit do të jenë më shumë se 60 persona.

Kurti gjithashtu tha se gjatë këtij samiti do të ketë katër gara mes të rinjve të të gjitha shteteve në robotikë, kodim, lojëra kompjuterike etj.

Subscribe në YouTube: GAZETA INFOKUSI
Etiketa:
Shijoni eksperiencën e re të blerjes në Meridian Express x EXFIS!
-Advertisement-

Të tjera

Fokusi

lajme