Gazetari Berat Buzhala, iu është drejtuar ndjekësve të tij në rrjetin social “Facebook”, me një lutje, për “inatin” e deputetes së Lëvizjes Vetëvendosje, Fitore Pacollit, shkruan Gazeta Infokus.

Kjo pasi që Pacolli në seancën e sotme të Kuvendit të Kosovës ka kërkuar nga qeveria që të marrin masa ndaj mediave në Kosovë, meqë sipas saj, në raportin e Parlamentit Evropian thuhet që “kohëve të fundit janë vërejtur investime të mëdha private në media”.

“Viteve të fundit janë vërejtur investime të mëdha private në media, përmes të cilave është krijuar mundësia e ndërhyrjes dhe ndikimit në disa mediume kryesore dhe në ato online, të cilat po përdoren për qëllime biznesore dhe për shantazh politik. Pra këtu kërkojmë vemdnjen e Kuvendit dhe qeverisë që të marrim masa dhe të kuptojmë më shumë se çfarë po ndodh me funksionimin e mediave, transparencën si dhe me indentifikimin e pronësisë së mediumeve”, është shprehur Pacolli në Kuvend.

-Advertisement-

Ndërsa Buzhala, në postimin e tij ka kërkuar që në faqen e tyre “Nacionale Video”, të iu bëhet sa më shumë folloë për shkak se nuk mund të marrin reklamë pa i bërë 10 mijë ndjekës.

“Shoke dhe shoqe, e kam nje lutje, pak edhe per inati te Fitore Pacollit: Na Nacionalja e kemi edhe qet faqe ne Facebook, Nacionale Video, ku do t’i publikojme plot video tonat, e qe kemi fillu me publikimin e videove te Ditarit tem. Kjo faqe i i ka 9 mije e dicka ndjekes. Ne menyre qe me shpresu me marre reklama prej saj, na duhet me i pase ma shume se 10 mije ndjekës”, ka shkruar Buzhala në Facebook.

Po ashtu ai shtoi se po mundohet pushteti me na ra në qafe.

“Hajt motrat e mia, se a po e shihni qysh po mundohet pushteti me na ra ne qafe, e ne nime na duhen pare. Shkojme 1….., 2…., 3”, ka shtuar Buzhala.

E gjithë kjo për të i bërë një lloj “disi”, deputetes së Vetëvendosjes që kërkoi nga Kuvendi  dhe qeveria të marrin masa ndaj mediave në Kosovë./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-