Neuropsikiatri, Jusuf Ulaj në emisionin Doktor Plus që është prodhim i Gazetës Infokus ka treguar se cilat kategoritë më të prekura nga sëmundja e skizofrenisë dhe se cilët janë faktorët ndikues në paraqitjen e saj.

Ulaj ka thënë se janë disa faktorë të cilët ndikojnë në paraqitjen e kësaj sëmundje, shkruan Gazeta Infokus.

“Po është një kategori e personave që ne i shohim si të rrezikuar për të pasur skizofreninë, e ajo është në bazë të atyre faktorëve që ndikojnë në paraqitjen e skizofrenisë, pra nëse ka faktorë ingjenetikë që dikush nga prindërit është i sëmurë nga skizofrenia, në qoftë se nëna gjatë shtatzënisë ose lindjes ose pas lindjes ka pasur vështirësi të cilat kanë mundur në çfarëdo forme të atakojnë sistemin nervor qendror, pra shkaktojnë dëmtime organike”, ka deklaruar Ulaj në emisionin Doktor Plus e që është prodhim i Gazetës Infokus.

Po ashtu neuropsikiatri, Ulaj ka treguar edhe kategorinë e personave që janë të rrezikuar më shumë nga kjo sëmundje.

“Tek kategoritë ose tek të rinjtë sidomos dua ta potencoj që në adoleshencë, në fillim të adoleshencës abuzojnë me substanca narkotike atëherë këto kategori janë më të predispozuara ose të sëmurë më vonë nga skizofrenia, gjithsesi duhet të potencohet edhe traumat e ndryshme psikologjike, traumat sidomos në fëmijërinë e hershme janë të njohura rastet që jetojnë të themi me “Broken homes”, ose në familjet e shkatërruara apo ku ka konflikte sidomos në mes të partnerëve, në familjet që janë të varfëra që kanë një status social më të rënduar dhe te familjet të cilat sidomos pra po them nuk kanë kujdes në edukimin e fëmijëve për të i edukuar në kuptimin për të i mbrojtur sidomos nga substancat narkotike”, është shprehur ai.

Ndërsa ka shtuar se abuzimi në vendin tonë i përdorimit të substancave narkotike është në nivel të lartë e që padyshim ka lidhje të madhe me sëmundjen e skizofrenisë.

“Duhet ta potencoj meqenëse kemi në vendin tonë shumë aktuale, abuzimin që bëhet me marijuana edhe nëpër shkolla duke filluar prej klasës 8, 9 të shkollave të mesme dhe propaganda bëhet prej njerëzve jo profesional se kinse marijuana nuk ka efekte negative, ka gjithsesi dhe ka shumë punime ku mund të lexohen se marijuana ka lidhje edhe me skizofreninë e mos të flasim për ndikimin e drogave tjera që janë psikostimiluese si kokaina afetaminat e tjera që po ashtu konsiderohen si faktor që mund të shkaktojnë një psikozë apo një skizofreni e cila has në një teren të themi të përshtatshëm në qoftë se është edhe faktori gjenetik dhe arsyet e tjera të cilat i përmendem”, ka shtuar ai në Doktor Plus./Gazeta Infokus/

Për të mësuar më shumë në lidhje me sëmundjen e skizofrenisë mund të ndiqni emisionin e plotë:

UNI – Universum International College sërish pjesë e Panairit të Edukimit, vazhdon të ofroj studime me standarde amerikane

Sponsoruar