Lajme

Dorëzohet në polici Nuredin Lushtaku

Autori: Gazeta inFokus 11:31 | 04 Korrik 2022

Prokuroria Themelore në Mitrovicë sot kishte lëshuar vendim për ndalim për Nuredin Lushtakun, por që i njëjti nuk ishte paraqitur.

Por zëdhënësi i Prokurorisë në Mitrovicë, Valon Preteni ka konfirmuar, se Nuredin Lushtaku para pak çastesh është dorëzuar në polici.

“Po është dorëzuar”, ka thënë Preteni për Reporteri.net.

-Advertisement-

I njëjti, pra Nuredin Lushtaku gjatë ditës së djeshme është liruar në procedurë të rregullt.

Dy zyrtarë policorë janë plagosur gjatë orarit të punë në Skenderaj, dyshimet janë se shkak është bërë shqiptimi i një gjobe trafiku.

Rasti ka ndodhur të shtunën mbrëma, ku dyshohet se djali e vëllai i ish-nënkryetarit të Skenderajt, Nuredin Lushtakut, sulmuan zyrtarët policorë.

Policia në raportin e saj 24-orësh ka bërë të ditur se për rastin në fjalë janë arrestuar dy persona e dy të tjerë janë liruar.

“Lidhur me rastin janë intervistuar katër të dyshuar meshkuj kosovarë, pasi që të njëjtit pas shqiptimit të një gjobe për kundërvajtje në trafik kanë sulmuar dy zyrtarë policorë. Njëri nga zyrtarët ka pësuar lëndime nga arma e zjarrit, ndërsa zyrtari tjetër nga një mjet i fortë. Viktimat janë dërguar për tretman mjekësor. Në vendin e ngjarjes si dhe gjatë bastisjes nga njësitet policore janë konfiskuar dëshmi/provave materiale. Me vendim të prokurorit, dy të dyshuar janë dërguar në mbajtje, ndërsa dy të tjerët janë liruar”, thuhet në njoftimin e policisë.

Duhet theksuar se djali dhe vëllau i Nuredin Lushtakut janë dorëzuar mbrëmë në polici.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy