Lajme

Armend Zemaj në Kuvend me listë e përqindje ia numëron Kurtit rritjet e çmimeve

Autori: Gazeta inFokus 12:14 | 22 June 2022

Deputeti nga radhët e Lidhjes Demokratike të Kosovës, Armend Zemaj, në seancën e Kuvendit të Kosovës ka treguar përqindjet e rritjeve të çmimeve të produkteve në vendin tonë, shkruan Gazeta Infokus.

Ai po ashtu në emër të LDK-së ka shprehur shqetësimet për këto rritje enorme të çmimeve.

“Vendi ynë ka një vit që ka hyrë në krizë të inflacionit apo rritjes enorme të çmimeve, kjo rritje është më e larta tek produktet esenciale si ushqimi, derivate të naftës dhe energjia elektrike gjë që ka krijuar dhe vazhdon të krijoj vështirësi financiare për buxhetin e secilës familje secilit qytetarë të Republikës tonë. Sipas agjencisë të statistikave të Kosovës publikimit të fundit nëse krahasojmë muajin maj 2021 me muajin  maj 2022 çmimet e konsumit në vendin tonë janë rritur për 12.5%, ky inflacion është më i theksuar tek vaji ushqimor prej 79%, mielli dhe gruri 50%, buka e bardh prej 31% vezët 49% domatet 83% qumështi tretapak 20% patatet 19% dhe nafta mbi 59%”, ka treguar Zemaj.

-Advertisement-

Tutje ai ka treguar qytetarëve të Kosovës se qeveria krenohet vetëm me rritjen e të hyrave e që këto janë në kurriz të qytetarëve.

“Në krejt këtë situatë çfarë po bënë qeveria jonë , qeveria po del dhe po krenohet që i ka rritë vetëm të hyrat buxhetore në kurriz të qytetarëve tanë. Të nderuar qytetarë sa herë qeveria krenohet që i ka rritë të hyrat ajo krenohet se buxhetin po e mbush me paratë e juaja. Po me paratë e juaja sepse këtë nuk po e bënë as me rritje dhe investime publike as me tërheqjen e investitorëve të huaj dhe me asgjë tjetër por qeveria po merr më shumë nga ju tatime duke soditur rrajën e çmimeve”, shtoi Zemaj.

E krejt në fund ai i ka propozuar Qeverisë së të zvogëlojë normën e tatimit për naftën dhe produktet ushqimore për tre muaj.

“Nëse ju sot nuk do të zotoheni që do shqyrtoni këto masa dhe nuk do të ndërmarrë veprime konkrete atëherë neve nuk na mbetet asgjë tjetër vetëm që të votojmë  tërheqjen e një pjese nga kursimet pensionale e që në kushte normale nuk e kishim përkrahur një iniciativë të tillë”, ka thënë tutje Zemaj./Gazeta Infokus/

 

 

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme