Sport

Pogba bën me faj Manchesterin në dokumentar: Do pendohen, nuk më ofruan asgjë!

Autori: Gazeta inFokus 13:27 | 16 Qershor 2022

Paul Pogba është larguar nga Manchester United ndërsa ende nuk e ka zbuluar destinacionin e radhës, edhe pse mesfushori duket gjithnjë e më pranë Juventusit. Së fundmi, futbollisti francez ka zbuluar edhe disa copëza nga dokumentari i tij që quhet “Pogmentary”. Në një moment, gjatë filmimeve 29-vjeçari thekson se kërkon ta bëjë Manchester United të pendohet për faktin që nuk i ofroi një kontratë në kohën e duhur.

“Manchester United është në zemrën time dhe do të qëndrojë aty gjithmonë. Por, qëllimi im është që t’iu tregoj “Djajve të Kuq” se gabuan duke pritur aq gjatë që të më ofronin një kontratë të re. Dua t’iu tregoj se kanë gabuar. Si mund të pretendosh se kërkon ta konfirmosh një lojtar dhe më pas mos t’i ofrosh asgjë? Unë nuk kam dëgjuar diçka të ngjashme kurrë më parë”, u shpreh Pogba.

Mesfushori e mbylli me shumë polemika aventurën në Manchester, teksa tifozët e kishin shënjestruar si një prej futbollistëve më me faj për gjendjen e mjeruar të skuadrës, ndërsa nga ana tjetër, Pogba vendosi të mos zbriste në fushë ndeshjen e fundit të kampionatit për t’u përshëndetur me fansat.

-Advertisement-